عجباني الاوبترا .. عايز ابيع الانوس .. واجيب اوبترا اوتوماتيك .. أية قولكم :)
 

السلام عليكم
انا معايا لانوس1 99 اللي بيقولو عليها كوري تقفيل برا.. عربية كويسة واقتصادية جداً .. بس خلاص بقالها 3 سنين معايا وبقيت حاسس اني سايق توكتوك

فكرت في الافيو .. وسألت عنها الكهربائي بتاعي قالي لالالالا بلاش دي عربية فاشلة (على حد رأية) وكل حاجة فيها داخلة ع الكمبيوتر (مش فاهم ازاي)
قولتلو طيب رأيك اية ... قالي الأوبترا حلوه قوي وشغلها سهل ومش متعب وعربية هتريحك ومبتدخلش عندي الورشة كتيير وشكرلي فيها كأنة هو من مالكي شركة شفرولية

دلوقتي انا عايز ابيع الانوس ان شاء الله واجيب اوبترا .. هل دا كويس .. وبردو (المشكلة عندي في فارق السعر )

انا عايز اوبترا اوتوماتيك كاملة ومتكونش عاملة كليوات كتيير وحالتها تكون من جيد جداً لـــ ممتازه .... دي تعملهااا كام

أية رأيكم في الاوبترا تاخد كام من عشره .. بالخصوص استهلاك البنزين

هيبقى معايا تقريبا بعد ما ابيع الانوس 60 الف و ممكن يوصلو 65 الف جنية .. دا يجبلي اوبترا حلوه

ولو حد عايز الانوس يقولي .. كاملة ومختلفة عن اي لانوس :D

رد: عجباني الاوبترا .. عايز ابيع الانوس .. واجيب اوبترا اوتوماتيك .. أية قولكم :)
 

الاوبترا عربية جميلة وحلوة وافضل من الافيو بكتير
بخصوص الموديل اللي حضرتك تقدر تشتريه مش هقدر افيدك لاني مليش خبرة اوي في المستعمل
واهم حاجة الحالة
وبخصوص استهلاك البنزين فهيا استهلاكها معقول بالنسبة لعربية 1600 سي سي وتاخد 8.9 / 10 في استهلاك البنزين
ومبروك مقدما :fun_36_1_39[1]:

رد: عجباني الاوبترا .. عايز ابيع الانوس .. واجيب اوبترا اوتوماتيك .. أية قولكم :)
 

من واقع معرفتى بناس من اصدقائى المقربين وامتلاكهم للافيو والاوبترا وانا حاليا معايا لانوس

اقولك لو نزلت من الانوس اللى معاك وركبت شيفورليه لانوس او افيو هتحس انك عملت اكبر غلطة فى حياتك لان اللى معاك فضل بكتيييييييييييييير من التقفيل الجديد وكمان الافيو ناس كتير قالوا مش تمام فى اكتر من حاجة

الاوبترا بقى كل اللى ركبها قال عربية ما شاء الله ممتازة فى كل شئ وحاجاتها وقطع غيارها متوفرة واسعارها رخيصة

السعر اللى حضرتك ذاكره اظن يركب اوبترا وحالة كويسة كمان بس انت دور وما تملش من البحث عن حاجة كويسة وان شاء الله ربنا يرزقك بعربية تاخد خيرها ويكفيك شرها

رد: عجباني الاوبترا .. عايز ابيع الانوس .. واجيب اوبترا اوتوماتيك .. أية قولكم :)
 

ربنا يبارك فيك يا كبيييييييير تسلم على الرد والاهتمام
كفاية ان تانك البنزين في الأوبترا 60 لتر .. تقريباً ممكن افولها كل فييين وفييين :D :D

معاااااااااااااك حق قوي .. انا سوقت الشفرولية لانوس جديده عاملة بتاع 5000 كيلو بس وفضلت معايا شهرين هي والانوس ال99 بتاعتي .. إلا اني كرهت الشفرولية .. كنت بكره اروح بيها اي مشوار

اوبترا (شفرولية) .. فكنت مقلق منها .. بس فعلاً ناس كتيير بيشكرو فيها (ولكن تبقى عقدة الياباني في الشعب المصري)
ويا رب الاقي حاجة بالسعر دا :D
تسلم على الرد والاهتمام