مصر موتورز مجتمع السيارات - التعديلات التي تمت اثناء عمرة سيارتي 128واسعارها

السلام عليكم ورحمة الله وبركاته

اثناء قيامي بعمل عمرة سيارتي 128 كما تحدثت في الموضوع السابق قمت بعمل بعض التعديلات التي تشعرك بالراحة اثناء قيادة السيارة
وهي كالاتي :
1- تم تعديل الابواب للشكل الجديد وهو الغاء الهواية الموجودة بالباب وتركيب حاجب لكل باب وتغير الزجاج وجعله حتة واحدة طبعا التعديل للابواب الامامية فقط واتكلف 80 جنيه ثمن الاحجبة
2- تم تعديل ماكينات فتح وقفل الزجاج كهرباء وقمت بشراء اربع ماكينات زجاج استيراد بتوع فيرنا اصلي 180جنيه وايضا شراء سنتر وولف 120جنيه
3- شراء ماكينة لفتح الشنطة ايضا كهرباء 40 جنيه
4- تعديل الطارة وشراء طارة اسبور من التوفيقية ثمن الطارة 80 جنيه والزور لتركيب الطارة 40جنيه
5- تم تعديل الصالون قمت بالاتفاق مع تاجر على صالون لانسر او هيونداي اكسنت وان شاء الله هيكون لانسر وهو عبارة عن 2 كرسي امامي وكنبة خلفية وسعره يتراوح من 650 الى 700 جنيه وان شاء الرحمن هيكون موجود يوم الجمعه القادم وسوف اضع لكم صور للفرش الجديد
6- وايضا جاري البحث عن تعديل اخير وهو قطمة الطارة وهي الجزء الذي يركب فيه الكونتاك وازرع المساحات والانوار وان شاء الرحمن سيكون موجود يوم الجمعه ولسه مش عارف ثمنه بس يتراوح سعره بين 300 الى 350 جنيه وهقولكم السعر بالظبط اما اشتريه

ودي كل التعديلات ودعواتكم ربنا يوفقنا

وانتظر منكم الاقتراحات والافكار الجديدة

دمتم بخير