|
تجربه مثيره وحلها دريفت !!
السلام عليكم حبايبي واخواتي الاعزاء الفتره دي مريت بتجربه مثيره وغريبه حبيت اشاركها معاكم الجزء الاول الحكايه بدأت من حوالي 15 يوم .. كالعاده نزلت في يوم اشتريت عربيه تجاري لانسر 2007 خليجي زيرو بره وجوه عربيه تحفه المهم خلصت فالعربيه وتوكلت علي الله .وبعد مرور حوالي 3 ايام من تاريخ الشراء حصلت حاجه غربيه لمبه الايرباج وبدون مقدمات نورت وانا ماشي!!!!! اوباااااااااااااااااااااا طب اعمل ايه ؟ هي ماتشغلنيش في حاجه بس لو زبون اتفرج علي العربيه وشاف اللمبه حيقول ايه ؟ اما العربيه مخبوطه . او الايرباج عطلان او او او او او وده كله حيوقف حاله العربيه . المهم لاقيت نفسي قدام حل من اتنين الاول اني افك لوحه العدادات واشيل اللمبه خالص ولا من شاف ولا من دري . بس حروح فين من ربنا ؟؟؟؟؟؟؟؟؟؟؟؟؟ اما الحل التاني اروح لاقرب مركز صيانه واشوف المشكله فين واحاول اعالجها ؟ المهم روحت لمركز صيانه محترم وعرضت عليهم المشكله دخل المهندس وطلع بجهاز الاعطال او زي ما بنسميه كومبيوتر الاعطال ووصل الكابل وكشف عالعربيه وقاللي مشكله كومبيوتر انا حطفيهالك . قولتله والمنظومه حتشتغل زي الفل ؟ قاللي تمام ان شاء الله وبالفعل عمل ريست واللمبه طفيت ........... ودفعت الاوبيك :fun_7_15_8v[1]::fun_7_15_8v[1]: راحت المشكله والحمد لله وده كان الجزء الاول من القصه .................. الجزء التاني بعد ما حليت المشكله وتمتعت بالعربيه لمده اسبوع النهارده روحت شغلي وانا راجع وماشي طبيعي ومره اخري وبدون مقدمات لاقيت لمبه الايرباج نورت تاني اوبااااااااا ايه بقي ده ؟ زهقت واتقفلت من العربيه . :THUMBS~113: الي ان حصل موقف غير تفكيري تماما و انا ماشي 90 علي غير العاده لاقيت قدامي جرار ماشي علي مهله وبيتدلع وجاي فالمقابل عربيه نقل و في مسافه بتاع 10 متر قولت انا مش ناقص علل وشلل روحت مسقط غيار وواخد غرزه من خرم ابره والمفاجأه بضرب بعيني لاقي لمبه الايرباج طفيت لمده 3 ثواني تقريبا وراحت منوره تاني !!!!!!!! يا للعجب حلوه دي ادي غرزه اللمبه تطفي ! ولا فلوس ولا مركز صيانه ولا يحزنون المهم قولت انا حعمل محاوله كده بعد ما وصلت البيت خدت العربيه وطلعت اخر الشارع وروحت ضارب 3 خمسات بالعربيه . والنتيجه ما فيش تغيير فالوضع الراهن :sd: قولت اجرب حاجه تانيه اغرز شويه بالعربيه وخدت العربيه في شارع اوسع ورايق شويه واخدت اربع خمس غرز بعنف شديد وعلي سرعه وبرضه بدون نتيجه ؟ طيب اشمعني بقي دلوقت ما طفيتش ؟ قولت اجرب الحل الاخير الدريفتات :3mla: اخدت العربيه وطلعت علي طريق فرعي واسع وزي الفل ولسه متسفلت ومترب وتتوافر فيه كافه المواصفات الفنيه لتراك خاص بسباقات الدريفتات منحنيات ايه وفراغ ايه دلع يعني المهم طول الوصله حولي 2 كيلو اخدتها كلها دريفتات وتفحيط بدون النظر للوحه العدادات سوقسوق والنتيجه ؟ فتحت عيني علي اللوحه ولا اي اثر للمبه اليرباج !!!!!!!!!!!!!!!! :clapW15: ياتري ايه اللغز فالقصه دي ؟؟؟؟؟؟؟؟؟؟؟ لو عرفت الحل اتصل علي 01006940571 واكسب لفه العمر بالانجلون الجامده جدي GIFT4U |
رد: مشكله صعبه وحلها دريفت !!
هههههههههههههههههههه عربيه خرمانه هههههههههههههههه:00db9337 ef155724e76
|
رد: مشكله صعبه وحلها دريفت !!
اقتباس:
1 مياه متراكمة فى مكان ما نتيجة غسيل السيارة فى نهاية التقاء سلك ارضى بالضفيرة ! 2 سلك عريان ولامس جسم السيارة !! وبعد كل المخمضة دى الماء تسرب او السلك ابتعد عن مكان شورت التلامس وانطفاءت اللمبة ! :pod_of_gold: |
رد: مشكله صعبه وحلها دريفت !!
السلام عليكم
هذة المشكلة تعني انطفاء منظومة كيس الهواء وانفصالة عن العمل قد يكون بسبب وجود عيب مصنعي بها كثير من شركات السيارات بالعالم تقوم باستدعاء سيارتها لمشكلة مشابهة لماحدث معك!!! يعني قد يوجد خلل مصنعي بنظام كيس الهواء AirBag دع التوكيل يتصل بالشركة الصانعة ويشوف الموضوع !!! اطيب تحية سيف العراق |
رد: مشكله صعبه وحلها دريفت !!
اقتباس:
حبيبي ادمير ممكن برضه ووارد جدا بس أأكدلك ان العربيه ماغسلتهاش ولا جيه عليها اي ميه . تسلم يا حبي عالمشاركه الحلوه وفي انتظار مزيد من الاراء |
| الساعة الآن 05:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017