ظافر بدال دبرياج 132
 

انا ياجماعة كنت عليت الدبرياج عندي سنه عشان كان وطي وكان قارفني في النقل بعد ماعليته شويه مشيت دقيقتين بالعربية واذ الاقي الدبرياج غطس لجوه في ارضية العربية وماردش تاني جبت الميكانيكي وحل البدال ولاقينا الظافر ده مكسور طبعا قعدت ابهدل الميكانيكي واقوله انت السبب لانك عليته زياده وهو يحلف ايمنات المسلمين ان ده العمر الافتراضي للظافر انتهى مش عارف كلامه صح ولادي اشتغالة المهم روحت لحمته ورجعت للميكانيكي تاني عشان يركب البدال تاني والواير تاني طبعا كان يوم مايعلم به الا ربنا ركب الميكانيكي وخلص وجيت اجرب تمام مافيش مشكله لاكن النهارده الصبح لاقيت العربيه سحبها زي الزفت وتقيلة ولما تسخن شويه الاقي رجه خفيفة في الطلعه رجعت للبيه تاني لاقى العجله اليمين الاماميه تقيله وسخنه مسكت في خوانيقه وحلف ان الدبرياج ماالوش علاقة بتقل العجلة وان دي مشكله فرامل هل كلامه صح ؟
اسف جدا على الاطاله بس نفسي اطمئن

رد: ظافر بدال دبرياج 132
 

اولا لو هو علا الدبرياج زيادة كان الواير هو الى اتقطع مش الظافر اتكسر و كل حاجة و ليها عمر افتراضى و تانى حاجة عربية حضرتك كرونة و انت بتقول العجلة اليمين ادام و العيب بتاع العجلة الى بتقشف ديه من الفرامل مش اى حاجة تانية

رد: ظافر بدال دبرياج 132
 

سلام عليكم
بس ياباشا المشكله دى
ثقل العجل ده من سرفو الفرامل

رد: ظافر بدال دبرياج 132
 

على فكرة
الصنيعى برىء لان مهما على الدبرياج لا يمكن يقطم ضافر البدال
وحضرتك غلطت انك لحمتة لان الحام مش هايستحمل وهايقطم تانى
الحل بدال استيراد

والعربية بعد تعلية الدبرياج بقت مش بتسحب لان الاسطوانة عندك متكلة مش مستحملة تعلى الدبرياج اكتر من كدة
وعشان الاسطوانة متكلة اكيد درجة حرارتها بقت تسخن اكتر من اللازم فبتعمل رجرجة فى الطلعة لان الدسك سخن زيادة عن اللزوم

رد: ظافر بدال دبرياج 132