|
مشكلة غريبة ظهرت بعد صيانة الالف
يا جماعة و انا راجع بعد صيانة الالف كيلو لقيت مشكلة غريبة جدا
اول ما بشغل التكييف بلاقى العربية بتنخع وتحس كأن حد شدها لورا و فيه صوت تسقيف و كركرة فى الماتور وانا بدى الغيار التانى ياريت حد يقولى اعمل ايه |
رد: مشكلة غريبة ظهرت بعد صيانة الالف
هل بتحط بنزين 80 ؟
|
رد: مشكلة غريبة ظهرت بعد صيانة الالف
طبيعى انت العربية تتكتف سنة عن المعتاد ولكن مش لدرجة التسقيف ممكن تسقف مثلا لو على الهادى الغيار التانى ونازل من مطب كدة تسقيف بسيط محتاج ظبط رجل انما انت اللى تقدر تقدر هل رجلك مش مظبوطة على الدواسات هل البنزين نوعة وحش وانا ارجح الراى دا واخيرا صعب العربية يبقى فيها مشكلة انت فى الالف ملحقتش تبوظ حاجة انا كنت هقولك فلتر بنزين بس كدة صعب اوى جرب مون بنزين نظيف 92 طبعا 90 لاة
وسوق على طريق سريع ربع ساعة كدة واحرق شوية وجرب العربية فى المدينة وقولنا اية الاخبار |
رد: مشكلة غريبة ظهرت بعد صيانة الالف
والله يا جماعة انا بحط بنزين 92 علطول واخر مرة فولت من بنزينة وطنية اللى على الدائرى
وبعدين التسقيفة دى فعلا لا تظهر الا مع التكييف وفى السرعات الواطية على التانى مثلا |
رد: مشكلة غريبة ظهرت بعد صيانة الالف
اقتباس:
امشى افتح التكييف بعد ما تفتحة استنى متمشيش اصبر دقيقتين بس افتح الزجاج الخاص بيك السائق عشان تسمع كويس ابتدى اتحرك حبذا لو طريق متسفلت وكويس امشى على الاول وعلى الغيار لحد 3 rpm او 3.5 متعليش اكتر من كدة وانقل التانى واحرق علية لحد برضة 3 \3.5 وانقل تالت ومتحرقش انقلة بدرى اوى متزودش عن 2.5 وهات رابع وامشى بية لحد م يعلى 3.5 rpm هدى بقى واركن على جمب وركز فى الاصوات التسقيف كويس _________________________ __________ ركز فى الاسئلة دى واكتبلى اجابتها براحتك 1-وانت طالع بالعربية على الاول المتور سقف 2-وانت حارق على الاول سقف وهو بيعلى الغيار 3-لما نقلت التانى مجرد ما لمست دواسة البنزين سمعت صوت تسقيف 4-التالت حصل اى صوت تسقسف عموما 5-بعد ما بقلت على الرابع بدرى سمعت اى صوت بمجرد لمس الدواسة او بعد كدة جاوبلى على دول وانا اقولك هل فعلا طبيعى ومحتاج تظبط رجلك ولا فية حاجة وان شاء الله مفيش حاجة اما بالنسبة للتكتيف اللى بتحس بية فدا عادى وبحس العربية متكتفة بس حاجة بسيطة مش هتاثر على السحب جامدة لانى ماتور الفيرنا مش ضعيف طمنى بس على التسقيف ونشوف موضوع التكتيفة ملحوظة شبع الغيار وانت ماشى بالتكييف عموما فى اى عربية مانيوال يعنى فى سنة بنزين بسيطة مطلوبة فقط فى اول نقل الغيار مش فى الحرق فى اول الغيار بس سواء اول تانى تالت |
| الساعة الآن 07:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017