مصر موتورز مجتمع السيارات - كل ماتريد معرفتة عن خرطوم الفايظ Breather Tube/hose

بسم الله الرحمن الرحيم

خرطوم الفايظ او خرطوم العمة زى ما الصنايعية بيقولوا علية
دة اسمة breather tube/hose ودة بيبقى شكلة فى معظم المحركات الكربيراتير
http://images.gasgoo.com/MiMgIzgyMDU...06b103221b.jpg
واحيانا بيسموة ال T hose عشان واخد شكل حرف ال T :HAPPY_~211:

الخرطوم دة جزء من منظومة او سيستم اسمة ال pcv او positive crankcase ventilation
نظام تهوية حجرة المحرك
او بلف التبخير زى البعض ما بيطلق علية

اية هو ال pcv system
1- فى محركات الاحتراق الداخلى بيبقى فى اربع اشواط شوط سحب وشوط ضغط وشوط انفجار وشوط العادم

لو بصينا للشكل دة هنلاقى ان فى شوط الضغط وشوط الانفجار بيحصل تسريب للغازات اللى جوة السلندر لتحت الى غرفة المحرك crackcase
والتسريب دة بييجى من خلال الشنابر

والشنابر مهما كان حالتها لازم بيبقى فى نسبة تسريب للغازات عشان مستحيل الشنابر تعمل احكام تام للغازات اللى فى غرف الحريق حتى لو الموتور زيرو
:1281F1~121:
بس نسبة الغازات اللى بتتسرب من خلال الشنبر الى ال crankcase او غرفة المحرك بتعتمد على مدى احكام الشنبر فكلما زاد احكامة كلما قلت نسبة الغازات والزيت المتسربة والعكس

http://www4.0zz0.com/2012/11/07/11/762535070.jpg

2- هنلاحظ فى الشكل دة ان فى غازات بتتسرب لغرفة المحرك فى شوط الضغط وبتبقى عبارة عن خليط هواء وبنزين (ونسبة زيت لو الشنابر مش محكمة)
وفى شوط الانفجار بيبقى فى تسريب عادم وبعض الخليط اللى ماتحرقش فى شوط الانفجار والحالة دى اسمها blow-by

3- دلوقتى تعالى نتخيل الغازات دى عمالة تتجمع فى غرفة المحرك اية اللى هايحصل ؟!ايه ياترى
هاتوصل لضغط معين وبعد كدة هتبدء تشوف اضعف الاماكن اللى ممكن تخرج منها (تنفس يعنى) واضعف الاماكن فى غرفة المحرك هى الجوانات والاويلسيلات وهنا بيحصل oil leak او تسريب للزيت

4- فالحل انة يبقى فى نظام او فتحة لخروج الغازات الزيادة دى

فى المواتير القديمة بتاعت الخمسينات تقريبا كانوا بيستعملوا حاجة اسمها draft tube or breather tube ودى زى اللى فى الصورة دى عبارة عن ماسورة كدة متوصلة فى البلوك بتاع الموتور ونازلة تحت الموتور فى اتجاة الارض وكان وظيفتها انها تاخد الغازات الزيادة من الموتور وتطلعها فى الهواء الطلق زى اللى فى الشكل دة
http://i.ebayimg.com/t/Vintage-Origi...!Lw~~60_35.JPG
وهنلاحظ ان الماسورة واخدة كيرف من تحت كدة عشان مايبقاش فى ضغط هواء معاكس للغازات اللى طالعة منها اما العربية تجرى

5- تمام كدة حلينا مشكلة الغازات الزيادة اللى فى ال crankcase بس بقى فى مشكلة ان الماسورة دى مع تهالك حالة الموتور بقت بتطلع دخان كثيف بيضر بالبيئة
فياترى اية الحل ؟!!:thinkW19:

الحل هنا هو ال pcv system

يتبع .......