حكايتى مع خراطيم المياة للريدياتير
 

حكايتى مع خراطيم الريدياتير

امس
لاحظت ارتفاع كبير جدا فى درجه حراره السيارة لدرجه انها كانت تصل لقرب الاحمر
بصيت على قربه المياه مالقتش فيها مياه والريداتير فاضى تماما
نزلت اشتريت مياه للريداتير ومليتها ودورت الموتور لقيت مياه على الارض تخرج من ناحيه الموتور
زودت عدد لفات الموتور لقيت المياه تخرج بشده من الخرطوم الواضح فى الصوره

http://www7.0zz0.com/2012/11/02/14/898430265.jpg

فكيت فلتر الهواء وبصيت على هذا الخرطوم لقيته مقطوع تماما
يا خساره ال 12 جنيه بتوع المياه
:070104~242::070104~242:
لسه ان شاء الله غدا اشترى واحد جديد لان الناس قافله النهارده

اعتقد ان خراطيم العربيه كلها بتخلص خلاص للاسف

رد: حكايتى مع خراطيم المياة للريدياتير
 

غير الخراطيم كلها وبص برضو علي الكوعة علشان لو المونيا ابقي صنفرها

وهات قفزان حلوة علشان تربط جامد

رد: حكايتى مع خراطيم المياة للريدياتير
 

والله مش فاضى يا ريس اغير الخراطيم كلها
علشان انا مابحبش حد يلعب فى العربيه وبعملها انا بنفسى
ومش فاضى الحقيقه
اما يتقطع حاجه تانيه ابقى اغيرها بس بصراحه انا مشفق عليهم لان العربيه موديل 2008 ومن ساعتها ماتغيرش

وشكرا على معلوماتك الجميله ومتابعتك

رد: حكايتى مع خراطيم المياة للريدياتير
 

انت ممكن غسلت العربية من جوه واللى غسلهالك كان بيغسل بجاز لانى عملت كده من فترة واغلب الخراطيم فضلت تشقق واحد ورا التانى وانا نفسى اعرف السبب لحد ما واحد فى التوكيل قالى الكاوتش بينشف لو اتغسل بجاز وبيتخرم من المايه السخنة اللى فيه

رد: حكايتى مع خراطيم المياة للريدياتير
 

كلام مظبوط ميه في الميه
نفس الكلام ده حصلي لما عسلت الماتور بتاع عربيتي في البنزينه الاول رش جاز علي الماتور كله قالي علشان يفك الاوساخ وسابع لي الماتور حوالي 10 دقائق وبعدها غسلها بالميه الصابون
بعدها بفتره لاحظت ان السلوك بتاعه الكهرباء الغلاف الخارجي البلاستك نشف وابتدي يتشقق وبعده دخلت في قصة خراطيم المياه
من بعدها بقيت اغسل الماتور بنفسي بجيب فوم ماتور اللي بيترش وبرشه بنفسي علي الاجزاء المتسخه وبعد كده فوطه قديمه مبلوله وانظف الماتور كله هيا بتاخد وقت طويل لكن أأمن للسلوك والخراطيم وخاصة ان العربيه عندي كاربيراتير