مصر موتورز مجتمع السيارات - ضمانات صاحب التاكسى على السواق

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - ضمانات صاحب التاكسى على السواق (https://www.masrmotors.com/vb/showthread.php?t=101431)

ضمانات صاحب التاكسى على السواق

السلام عليكم ورحمه الله
انا حابب استفسر على حاجه اصحاب التاكسى الغالبيه العظمى مش بتشتغل على التاكسى بتاعها وبتجيب سواق قتره صباحيه وفتره مسائيه ايه هيه الضمانات اللى بياخدها صاحب التاكسى على السواق اللى بيخليه مطمئن ليه وهوه مابيعرفش السواق اصلا فيه سواقيين بتعمل طيبين واحنا بنشفهم بيعملوا ايه على الطريق جنبينا فالسؤال ده بيلح عليا جدا افادكم الله

رد: ضمانات صاحب التاكسى على السواق

اولا ربنا يديك خيرة ويكفيك شرة
1- مهم جدا اقرار استلام السيارة ( لانة بيحسن وضعك فى حالة الكوراث لاقدر الله )
2- مرفق بية صورة بطاقتة ورخصة مهنية سارية ( فى حالات الرخصة الخاصة او المنتهية -بيدفع السواق غرام وسيادتك)
3- موضوع وصل الامانة انا عمرى ما خدة على حد - ولكن ممكن يمضى على ايصال امانة بتمن السيارة
4- اهم من دا كلة - يكون ابن حلال وبيحافظ علية ولو حتى مبيدكش فلوس وتكون رجلة خفيفة وبيفهم فى الميكانيك ) ودا مش هيبان الا بعد فترة من الشغل
وربنا يوافقك ( من صاحب تاكسى قديم )
وعلى فكرة هقولك الكلمة الى كلة الناس قلتهالك وقلتهلى ومحسيتش بيها الا ......................
ميصونش المال الا اصحابة - ولو هيتركن تحت البيت )

رد: ضمانات صاحب التاكسى على السواق

اقتباس:

المشاركة الأصلية كتبت بواسطة ahmed_gamal777 (المشاركة 788898)

وعلى فكرة هقولك الكلمة الى كلة الناس قلتهالك وقلتهلى ومحسيتش بيها الا ......................
ميصونش المال الا اصحابة - ولو هيتركن تحت البيت )

والله جمله فى منتهى الجمال ربنا يباركلك واشكرك على المعلومات القيمه

رد: ضمانات صاحب التاكسى على السواق

اقتباس:

المشاركة الأصلية كتبت بواسطة ahmed_gamal777 (المشاركة 788898)

ميصونش المال الا اصحابة - ولو هيتركن تحت البيت )

. صح و مليون صح حتى لو حتشتغل رف واحد بس
لكن لو سواق امين و كويس يبقى زيادة الخير خيرين