|
عيب فى فيوزات الدايو لانوس2008 لخبراء المنتدى
فى البدايه لازم اقول شكرا لكميه المعلومات والمجهود اللى فى المنتدى هنا
سؤالى عن الدايو لانوس 2008 العربيه بتبقى شغاله عادى وباجى اركن وارجع ادورها الاقيها اترجت جامد وفصلت اول مره عملتها اتركنت اكتر من 5 ساعات جنبها فى الشارع والكهربائى اشتغلنى احلى شغل تانى مره عملتها بعدها بكام يوم جبت كهربائى تانى طلع عنده ضمير وعرفنى انها علبه الفيوزات اللى عند الدوسات الفيوزات بتاعتها بتضرب وهى اللى بتعمل كده تالت مره عملتها بعدها بحوالى شهرين وانا اللى صلحتها بنفسى بس طبعا كده الموضوع مش طبيعى فلو حد فاهم ايه السبب اصلا يا ريت يقولى مع العلم ان العربيه كانت زى الفل بس كل الحكايه انها متعوده على المشاوير الصغيره وقبل الموضوع ده طلعت بيها مطروح وكنت راجع على سرعه عاليه وعملت الحكايه ده بعد ما رجعت بكام يوم فهل ده له علاقه؟؟؟؟ اتمنى حد يفيدنى !!!!!:hd: |
رد: عيب فى فيوزات الدايو لانوس2008 لخبراء المنتدى
الاخ الكريم اكيد الفيوزات صينى تلاقيها مش راكبه جامد فى قاعده الفيوز انصحك تغيرهم باصلى وتشوف علبه الفيوزات راجع رباط المسمارين اللى مثبتنها هام جدا متغيرش قيم الفيوزات غير واحد واحد اتنمى اكون افادت حضرتك
|
رد: عيب فى فيوزات الدايو لانوس2008 لخبراء المنتدى
لازم تكون قوه تحمل الفيوز نفس قوه الفيوز القديم ويكون اصلى
|
رد: عيب فى فيوزات الدايو لانوس2008 لخبراء المنتدى
عيب كتاوت طرمبة البنزين بايظ وعايز يتغير علشان بيحمل علي الفيوز
|
رد: عيب فى فيوزات الدايو لانوس2008 لخبراء المنتدى
انت بتغسل موتور العربيه ؟؟؟؟ وهل كل الفيوزات بتضرب ولا فيوز معين ؟ |
| الساعة الآن 06:30 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017