مصر موتورز مجتمع السيارات - ازاي نرجلش دوسات وفرامل اليد للفيرنا بالصور+الشرح

بسم الله الرحمن الرحيم
النهارده حشرح ازاي نرجلش دوسات البنزين والفرامل و الدبرياج وفرامل اليد للفيرنا
نبدا بفرامل اليد
حشرح ليه مهم رجلاش فرامل اليد
فرامل اليد مهمه جدا لان دي لقدر الله لوحصل وانك ماشي وفرامل الزيت قطعت مفيش غير فرامل اليد هي الي تقدر توقف العربيه طبعا ممكن نستعمل الغيار العكسي بس ده بيهدي من سرعه العربيه وممكن في موقف صعب متلحقش لغيار عكسي ولا يحزنون
فعلشان كده بهتم بفرامل اليد قوي
وطبعا لو ركنين علي مطلعايه نبقي مطمنين ان العربيه متريحش وان محدش يقدر يتحتحها من مكنها
نبدا بالادوات
مفتاح 12-مفك صليبه-كوريك
http://www13.0zz0.com/2012/10/30/14/226818326.jpg
حنتني دهر الكرسين الي قدام ونطلعهم قدام علشان نوسع مكان وحنقعد علي الكنبه الي ورا ونشتغل
حنلاقي مسامرين قلواظ في الكونسوله يمين وشمال نفكهم
http://www13.0zz0.com/2012/10/30/14/217054872.jpg
وبعدين نشد فرامل اليد علي الاخر علشان نعرف نطلع الكنسوله
http://www13.0zz0.com/2012/10/30/14/794762910.jpg
وبعدين طلع الكونسوله لفوق مع ميلنها للامام حتطلع بسهوله
http://www13.0zz0.com/2012/10/30/14/241459414.jpg
بعد منخلع الكونسوله ننزل فرامل اليد علشان مينفعش نرجلش والفرامل مشدوده
http://www13.0zz0.com/2012/10/30/14/443023821.jpg
حنبص نلاقي الوير باين والصموله الي حنرجلش منها
http://www13.0zz0.com/2012/10/30/14/909413426.jpg
نقف لغايه هنا وننزل نرفع العربيه من الجنب اليمين وحنحط قالب طوب امام الفردتين الاماميتين علشان العربيه متتحركش
http://www13.0zz0.com/2012/10/30/14/463789128.jpg
وبعدين حندور العربيه لييييييييه
علشان العجل يبقي حر ونعرف نرجلش احسن
وبعدين حنلف الصموله بتاعت الرجلاش مع عقارب الساعه
يعني ناحيه اليمين
http://www13.0zz0.com/2012/10/30/14/221770258.jpg
اول مره حنلف 3 لفات وننزل نلف العجل لو لسه حر نلف لفتين كمان وننزل نلف العجل تاني ونكرر الموضوع لحد لما نلاقي العجل تقل حنقوم مهويين شويه علشان نحملش علي التيل تمام كده
حنسيب كل حاجه ونزل العجله اليمين ونروح نرفع الشمال وناخد بلنا من النقطه دي
لو العجله الشمال بتلف حر يبقي تمام كده منرجلش تاني ونزل العجله ونبطل العربيه ونرجع كل حاجه زي ماكنت وخلاص
لاكن لو العجله بتلف تقيل يبقي نهوي الرجلاش لحد العجله متبقي حره علشان ممكن العجلتين ميبقوش في سوي بعض بالنسبه للتيل لازم نعمل حساب النقطه مهمه قوي
وكده نبقي خلصنا رجلاش فرامل اليد
-----------------------------------------------------------------
تاني حاجه رجلاش دولسه الدبرياج
ليه بنرجلش الدبرياج علشان نريح رجلينا في طلعه العربيه ونخلي العربيه تطلع مستريح والغيارات والمرشيدير يجو بسهوله لان بيبقي في عربيات الدبرياج واطي قوي وبيزهق في الطلعه والغيارات ولازم تدوس بقوه لحد مرجلك توجعك
نبتدي الادوات مفتاح 12 فقط
حنرجع الكرسي للخلف علشان نوسع لنفسنا ونعرف ننزل تحت عند الدوسات حنبص من تحت حنلاقي المنظر ده
دي دواسه الدبرياج
http://store2.up-00.com/Sep12/g8w09594.jpg
حنلاقي الوصله بين الدواسه وسرفو الدبرياج وفيه صاموله 12 بنقول عليها بالبلدي صاموله كونتر ودي علشان الوصله متلفش علشان متخلفش الظبط
في الصوره دي باينه قوي
http://store2.up-00.com/Sep12/Wcq09861.jpg
اول حاجه حنهويها علشان نعرف نلف وصله الرجلاش حنلفها في اتجاه عقارب الساعه وكده الوصله حره حنلفها بادينا في اتجاه عقارب الساعه علشان نعلي الدبرياج بس اللف هنا يدوب نص لفه
وبعدين ندور العربيه ونجرب نطلع بيها ونشوف الطلعه عمله ازاي ونجيب مرشيدير لو مستريح يبقي خلاص نبطل العربيه ونربط الصموله كويس علشان وصله الرجلاش متخلفش الظبط
انما لو حسيت انه لسه عايز يعلي كمان حتلف الوصله بس ربع لفه فقط ونجرب تاني لحد متحس انك مرتاح في الطلعه والغيارات
بطل العربيه ونزل اربط الصاموله الكونتر اوعي حد ينسي يربطها
كده خلصنا
-----------------------------------------------------------------
تالت حاجه رجلاش دواسه البنزين
ليه بنرجلش علشان نعنض القيمه الي اتكلت من التيل
علي راي الكابتن لطيف واحد يسالني محنا بنرجلش الفرامل الخلفيه من طنابير
طيب الاماميه ملهاش رجلاش حقله ليها بس مش من الطنابير من الدواسه وهو ده الي حنعمله
بس في الاول لازم نعرف ان رجلاش الدواسه بتاعت الفرامل حساس قوي يعني ربع اللفه بحساب
الادوات مفتاح 14 -بنز(زراديه)
حنرجع الكرسي للخلف علشان نوسع لنفسنا
حننزل نبص تحت الدوسات حنلاقي المنظر ده
وده شكل دواسه البنزين
http://store2.up-00.com/Sep12/h6D10840.jpg
زي معملنا مع رجلاش الدبرياج حنعمل مع رجلاش الفرامل
حنهوي الصموله بس دي مقاس 14 وحنلف وصله الرجلاش بس هي جمده غير بتاعت الدبرياج فحنلفها بالبنز
http://store2.up-00.com/Sep12/w0711291.jpg
بس هنا نخلي بلنا لما نلف نلف ربع لفه بس وبعدين نجرب يعني ندور العربيه ونجرب الفرامل لان ربع لفه كفيله انها تخلي الفرامل
علي الشعره
انت مش حتصدق الاختلاف في الفرامل
فاياريت نكون حساسين في النقطه دي
جربنا ولقينا الفرامل تمام نبطل العربيه ونربط الصاموله الكونتر اوعي حد ينساها
وكد خلصنا
-----------------------------------------------------------------
رابع حاجه رجلاش دواسه البنزين
ودي بتيقي من الموتور مش من الدواسه
الادوات
مفتاح 14 فقط
حنفتح الكبوت ونبص حنلاقي الرجلاش بتاع كبل البنزين
http://store2.up-00.com/Sep12/QcW11647.jpg
http://store2.up-00.com/Sep12/myR11822.jpg
وبعدين حنمسك سلك الكابل ونشوف مرخي ولا مشدود
http://store2.up-00.com/Sep12/RTA11944.jpg
طبعا لو مشدود يبقي خلاص مش محتاجين نرجلش لو لقيته مرخي
حنهوي اول صاموله (الصموله اليمين)
http://store2.up-00.com/Sep12/w9212192.jpg
وبعدين نحرك المسوره الي ماشي فيها السلك ناحيه الشمال وبعدين نربط الصاموله التانيه( الصامله الشمال )
بس خلاص
---------------------------------------------------------
يارب اكون قدرت افيدكم واعزوروني عل التصوير لو مش واضح
واي استفسار انا تحت امركوم
[IMG]http://www.**********.net/Nile/images/smilies/bye2.gif[/IMG][IMG]http://www.**********.net/Nile/images/smilies/bye2.gif[/IMG][IMG]http://www.**********.net/Nile/images/smilies/bye2.gif[/IMG][IMG]http://www.**********.net/Nile/images/smilies/bye2.gif[/IMG]