لا يوجد شكوي او موضوع جديد من فتره
 

بقالي فتره كبيره شهور بدخل قسم الاسبيرانزا ام 11 ومفيش اي مواضيع جديده نزلت ولا فيه اي شكوي جديده من ملاك العربيه هل ده يعتبر مؤشر علي نجاح العربيه وان التوكيل ظبط كل العيوب ال كانت موجوده ومعدش فيه اي حد بيشتكي منها انا ملاحظ ان مفيش شكاوي تقريبا من اول 2012 اتمني من الاخوه الاعضاء المشاركه وانهم يقولولي هل توقعي ده صحيح ولا الناس ياست من العيوب وزهقت من كتر الكلام فيها اتمني ان يكتب كل عضو تجربتها مع السياره خاصة موديل 2012 وشكرا

رد: لا يوجد شكوي او موضوع جديد من فتره
 

رد: لا يوجد شكوي او موضوع جديد من فتره
 

الحال نايم فعلا
يا تري بسبب اختفاء الاعطال ولا الناس لها راي تاني
يا ريت الي اشتري العربيه قريب يقولنا رايه فيها وايه الجديد
لاني بصراحه نفسي اشتريها من فتره بس قلقان من جزئين
اسعار قطع الغيار
والعيوب الي كانت موجوده زي الدينامو
يا ريت اي حد عنده جديد يقولنا عليه

متابع كل جديدددددددد

رد: لا يوجد شكوي او موضوع جديد من فتره
 

بالنسبة لقطع الغيار متوفرة جدا

وموضوع الدينامو سمعت انه اتحل من بداية 2010

رد: لا يوجد شكوي او موضوع جديد من فتره
 

انا معنديش مشاكل غير ساعات المساعدين بتزيق خفيف مع المطبات بس لقيت تقريبا كل العربيات اللي بركبها كدا .. افيو و اوبترا و نيسان صني الشكل القديم ف اكيد دا عادي و مش قلقان خالص و فبطني بطيخه صيفي كمان الحمد لله :D
اه صحيح .. انا معايا ام 11 موديل 2012