مصر موتورز مجتمع السيارات - سؤال محيرنى فى ترخيص العربية

السلام عليكم
أنا رخصتى قربت تنتهى و كنت بأشد العربية سمكرة و دوكو و خلاااااااافه
المهم كنت شاريها بعقد مسجل, و فهمت من المنتدى هنا إن إجراءات نقل الملكية و الفحص و تجديد الرخصه بتكون كالتالى:

اقتباس:

تجيب نموذج فحص من الخزنة وتملى بياناتة
ترفق مع نموذج الفحص اصل عقد البيع المسجل وصورة من البطاقة الشخصية واصل الرخصة وشهادة المخالفات الحديثة وتحطهم كلهم فى دوسية
تروح تدفع التامين الاجبارى حسب الرغبة سنة او 3 سنوات
تروح تختم ورقة شهادة صلاحية الطفاية
تشوف العامل اللى بياخد البصمة ويجى يرفعلك البصمة
وبعدها تختم الورق من مهندس الفحص
تتوجة الى الشبابيك وتراجع الورق وهايدفعك الضريبة على حسب سنة او 3 سنوات
وتتعامل بقى مع المتغيرات مثل
ممكن يطلب منك تطابق بصمة فى مرور الوراق
ممكن يديلك تصريح بـ 3 شهور
ممكن تخلى النمر القديمة او يدفعك نمر جديدة
كل دى متغيرات على حسب نظام المرور لان مش بيشتغلوا بقاعدة ثابتة

و رحت مع قريب لى فى هذة الرحله لاقيتهم بعتوه بجواب للمرور الأصلى علشان بصمة الموتور و المخالفات و بعدين يرجعلهم تانى.

السمكرى بيقوللى أطلع عالمرور الأصلى على طول - المرور إللى رخصة العربية تبعه- و بعد ما تعمل فحص(من غير جواب) و المخالفات و الطفاية و .... إرجع عالمرور إاللى أنت تبعه و قدم الورق كله و إدفع مبلغ التأمين فقط.
بس أنا حاسس إنى كده منقلتش رخصة العربية عالمرور إللى أنا تبعه

و بتاع الدوكو بيقولى روح هات ملف العربية بالمواصلات (من غير العربيه), و إرجع على المرور إللى أنت تبعه و كمل إجراءاتك.
طيب لو قالولى الملف أتحرق؟

معلش أنا أول مرة أأقابل الموضوع ده و عاوز أفهمة بالراحه
العربية رخصتها مرور العجوزة
و أنا تبع المعادى
أرجو شرح الخطوات ببساطه و بطريقه توفر عليا الوقت و البهدله