رايكم في المشكلة دي..
 

السلام عليكم ...
صباح الفل علي احلي منتدي ..
كل عام وانتم بخير بمناسبة عيد الاضحي..
فيه حاجة غريبة بتحصل "للجراند ماروتي"...العربية بتجيب نقط مية الصبح من الشكمان لما العربية بتكون باردة( قالولي ان ده كويس...لان كبس الموتور تمام)..

بس المشكلة حضراتكم ان العربية احيانا بتطلع دخان ابيض....وبدأت احس ان السحب بقي خفيف شوية..والزيت بينقص برضو شوية.....!

لو ممكن تساعدوا ف الاتي:

1-هل الموتور كدة خلاص بيودع.. وايه موضوع نقط بخار المية ف البرد صباحا...؟

2-هل هيحتاج طقم عمرة..ولا بس هيبقي طقم شنبر ...لان الموتور ما اخدش عمرة قبل كدة...وتتكلف كام..؟

3-هل فيه اي حلول اخلي الموتور يقعد اطول فترة ممكنة..؟

معلش بقي طولت عليكم ف الاسئلة وكل عام وانتم بخير بمناسبة عيد الاضحي..:THUMBS~220:

رد: رايكم في المشكلة دي..
 

الميه الصبح طبيعى
بس هل الميه بتنقص عندك ؟
حكاية الدخان الابيض امتى بالظبط ؟
الزيت بينقص كل اد ايه ؟ بعد كام كم تقريبا و بينقص اد ايه ؟
العربية عاملة كام الف كم ؟

رد: رايكم في المشكلة دي..
 

السلام عليكم..
شكرا يا بشمهندس احمد لردك عليا...
شوف يا فندم:
مية الردياتير بتنقص يمكن نص لتر كل 250 كيلو..
الدخان الابيض بيكون الضهر لما بقرص ع العربية شوية.هو دخان بيكون شوية ازرق...
الزيت بينقص نص لتر كل 1000 كيلو تقريبا..
العربية عاملة 51 الف كيلو..
ملحوظة:
من حوالي سنة كان فيه حوار مع سير الكاتينة ..وغيرت الصبابات...!

منتظر ردك..:pty:

رد: رايكم في المشكلة دي..
 

رد: رايكم في المشكلة دي..
 

اه فعلا كدا فى شغل
كدا كدا حتفك الوش و كله حيبان
لو كانت على قد الدخان الازرق كنت حقولك حط زيت شنبر
لكن حكاية الميه لو مفيش تسريب واضح يخليك تشك فى جوان الوش او لا قدر الله شرخ فى البلوك
فرايى لازم تفك الوش و الميكانيكى يقرر حتحتاج ايه