ساعدوني في اختيار عربيه .....بمبلغ يبدا من 50000
 

السلام عليكم

انا بستفاد جدااا من المنتدى ده و كل ما احب اعرف عن عربيه بدخل اشوف المواضيع هنا
بس بصراحه بتخلوني احتار اكتر واكتر
يعني اغلب العربيات بيتم الشكر فيها
انا كان معايا اسكودا فابيا 2001 ...... بصراحه مكملتش معايا 5 شهور
ليييه؟
لان كل ما اروح لمكانيكي يخوفني منها جدااااا من اول يوم
و كمان السحب كان تعبني و موضوع انها بتجيب فتيس ده خوفني ان يكون بجد

عموما عشان مطولش
انا عايزه عربيه زيروا او مستعمله يبدا من 50000 ..... يعني ممكن لحد 70 او 75
سواء زيروا يبقى ايه افضل حاجه مع العلم اني عايزاها اتوماتيك و الي لقيته ممكن يبقى فيها المواصفات دي هيا البروتون ساجا .بس انا من بورسعيد وبصراحه مشفتش العربيه دي في اي حته ولا مع اي حد ..... والناس حتى فاكراها صيني :)

اما المستعمل فمش عارفه ايه افضل ماركه يعني الي ميكنش فيها عيوب تصنيع
و الافضل تكون مش عامله اكتر من كام كيلو؟

انا شفت اعلان عن فورد فوكاس 2006 بس المواضيع في المنتدى هنا عنها قديمه شويه و كله بيشكر فيها بس بيقولوا لسه ميقدروش يحكموا عليها ..

بصراحه محتاره جداااااااااااا و محتاجاه عربيه جدااااااااااااا و يا ريت تساعدوني بس من غير ما تحيروني ...... :)

رد: ساعدوني في اختيار عربيه .....بمبلغ يبدا من 50000
 

لو سياره بروتون مستعمله تكون كويسه ؟؟؟

وانهي نوع فيها احسن ؟؟؟

رد: ساعدوني في اختيار عربيه .....بمبلغ يبدا من 50000
 

نيسان صنى من 2001 لحد 2003 اتوماتيك ب 55 الف وممكن اقل ..الشكل دة مميز جدا فى النيسان

رد: ساعدوني في اختيار عربيه .....بمبلغ يبدا من 50000
 

رد: ساعدوني في اختيار عربيه .....بمبلغ يبدا من 50000
 

منكن تقولي ايه هي مشاكل السكودا فابيا لأن انا كنت على وشك ان اشتري واحده موديل2002 بس حضرتك كده قلقتني