|
مشكلة في الدوارة اوبترا 2010
السلام عليكم
لو سمحتوا كنت بستفسر عن مشكله حصلت في عربيه اوبترا 2010 العربيه عامله 45000 كيلو في 3 سنين متغيرلهاش حاجه خاالص من الزيرو غير زيت وفلتر كان في مشوار وهو راجع جه يدورها مالقاش صوت خالص ولا مارش ولا تكتكه ولا اي حاجه بس الانوار في التابلوه منوره كلمني قولتله خلي حد يزقك وارميلها عالتاني المهم دارت لما جالي وجربتها كان في مارش بس مش بتدور علي طول لازم ادوسلها بنزين عشان تدور؟! مش عارف المشكله مشكلة بطاريه؟؟ ولا مشكلة طرمبة بنزين؟؟ ولا البطاريه ضعيفه مش بتقوم الطرمبه؟؟ مش عارف محتاج رايكم؟ العربيه بتغير زيت بره التوكيل موبيل 1 10000 كيلو ولسه فاضل شهر عالضمان ؟ ياتري الضمان ساري؟؟ |
رد: مشكلة في الدوارة اوبترا 2010
بص حضرتك
اولا تتأكد من سلامه البطاريه وكفائتها ثانيا هتجيب طقم بوجيهات محترم لان عربيه بقالها 3 سنين مغيرتش بوجيهات كتيير اووى ثالثا بأذن الله هتدور من تكه واحده بأذن الله |
رد: مشكلة في الدوارة اوبترا 2010
روحت التوكيل
غيرت بوجيهات فلتر بنزين فلتر هوا فلتر زيت زيت موتور 10 الاف موبيل 1 سير دينامو ومنظف موتور ومنظف اجزاء فرامل وصرفت حوالي 1000 جنيه بعد كل ده العربيه مره تدور بسرعه ومره تطول في الدواره ومره لازم ادوسلها بنزين؟! |
رد: مشكلة في الدوارة اوبترا 2010
روحت التوكيل النهارده تاني
وانا في الاستراحه في شاشه جايبه الورشه من جوه وكنت شايف العربيه لقيتهم بيفكوا البطاريه روحت شوفت المهندس قالي قيسنا البطارية لقيناها ضايعه بقالها 3 سنين من الزيرو وكان فاضل اسبوعين عالضمان وينتهي فغيرهالي في الضمان من غير فلوس والعربيه ماشاء الله بتدور من اقل تكه صغيره الحمد لله :CONGRA~238: |
| الساعة الآن 05:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017