مصر موتورز مجتمع السيارات - أرجو الاطمئنان من خبراء المنتدى

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

أرجو الاطمئنان من خبراء المنتدى - بلى العجل الخلفى

معى سيارة لانوس 2007 ... الاسبوع الماضى قمت بمس الطنابير الأمامية وغيرت التيل عشان كانت مع السرعة بيحصل زى رجة كده وبالمرة خليت الراجل يرجلش الفرامل ورا وفرامل الهاند بس لقى الطنابير ورا فيها شفة زيادة فقمنا بشيلها عند الخراط ... المهم خلصت من عنده ومشيت لقيت صوت طالع من العجل الخلفى زى حاجة بتحك فى حاجة وللتقريب (صوت زى الصوت اللى بيبقى طالع من مكن سن السكين والادوات الحادة)... رحت للراجل تانى وفك العجل وقاللى ده من المسامير وفى مسمار كان بيحك فى الطنبورة وجلخه شوية وركب تانى فالصوت راح بنسبة 90% ... المهم فى صوت تانى ظهر بيروح ويجى على فترات فلما قلتله عليه قلى ده من بلى العجل الخلفى هو اللى بيعمل كده فعايز يتغير .. سؤالى عو البلى ورا ليه صوت .. ولو ليه ايه تأثيره لو سبته دلوقتى خصوصا ان واحد صاحبى قلى سيبه دلوقتى هو هيروح لوحده لانه ظهر بعد لما الراجل نظف الطنبورة ورا والبلية كانت نشفة فبدأ الصوت يظهر ومع المشى هيروح ... أرجو الافادة عن صحة الكلام للاطمئنان وشكرااا..

رد: أرجو الاطمئنان من خبراء المنتدى - بلى العجل الخلفى

السلام عليكم
ممكن يكون البلي عايز يتشحم بس:140109~347:
والله المستعان

رد: أرجو الاطمئنان من خبراء المنتدى - بلى العجل الخلفى

طبعا البلى الخلفى مهم جدااا
لانه لو فرط من ظرفه هيبقى مشكله وخصوصا لو العربيه ماشيه
غير انه بيعلم فى الطنبوره وبيبوظ مكانه

رد: أرجو الاطمئنان من خبراء المنتدى - بلى العجل الخلفى

غير يا باشا
حتي لو الشحم قليل طالما طلع صوت
اذن حصل نحر بداخل البلية
توكل علي الله وغير الجوز:286:

رد: أرجو الاطمئنان من خبراء المنتدى - بلى العجل الخلفى

شكراا لكل من رد ... وأنا ناوى اغير باذن الله بس عايز اتأكد ده فعلا البلى ولا لأ .. فى حاجة أقدر اتأكد منها ... ولو البلى ممكن استنى اد ايه وبعدين اغير خصوصا ان الصوت مش عالى ومش عالطول...