مصر موتورز مجتمع السيارات - استفسار بخصوص المكيف والماتور

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - استفسار بخصوص المكيف والماتور (https://www.masrmotors.com/vb/showthread.php?t=100148)

استفسار بخصوص المكيف والماتور

كنت عايز اسال يجماعه انا عندي العربيه لما يكون المكيف مطفي تمام وزى الفل لما يشتغل احس انها عايزه تجري لوحدها واحس ان الماتور بيعله بس مش علطول ومش عالي اوى عادي برده يعنى اخره بين 1 و2 ده من ايه ؟؟؟

رد: استفسار بخصوص المكيف والماتور

عشان تاخد كفاءة تبريد كويسة .. الكمبريسور بتاع التكييف محتاج يلف بسرعة عالية شوية

عشان كده الموتور محتاج يشتغل بسرعة أعلى ... خاصة إذا كان الموتور صغير نسبيا (1600 أو أقل)... عشان كمان يقدر يشغل الكمبريسور ومايأثرش قوي على سحب العربية

عادة الدوران بيبقى مابين 1200 و1500 RPM، في الحالات دي.. حاول تستخدم الدبرياج عشان العربية ما تجريش منك... وحاول على قد ما تقدر ما تمشيش في الزحمة

على فكرة... في العربيات الحديثة، المكيف بيفصل لما بيوصل لدرجة الحرارة المطلوبة (من باب توفير البنزين)... عشان كده مش بتلاقى العربية بتعمل كده علطول.

...

رد: استفسار بخصوص المكيف والماتور

اقتباس:

المشاركة الأصلية كتبت بواسطة borio1704 (المشاركة 778289)

ما هيا المشكله انها اتوماتيك وفى الزحمه بقوم طافي المكيف لان هيا 1300 سي سي
فبضطر افضل ضاغط على الفرامل لو مشغله معظم الطريق

ROSE4UROSE4UROSE4UROSE4U

رد: استفسار بخصوص المكيف والماتور

اقتباس:

المشاركة الأصلية كتبت بواسطة Mido Madrid (المشاركة 778291)

حاول لما تقف في الزحمة ماتخليش الفتيس معشق.... دايما خليه على N، ولما تلاقي الشارع اتحرك ابقى خليه على D

ده أحسن بكتير عشان محمول العزم (الـTorque Converter) وكمان عشان الفتيس يعمر معاك

هي مزعجة شوية... بس متهيألي إنت مش تعبان مادام مفيش دبرياج :)

...

رد: استفسار بخصوص المكيف والماتور

الموضوع ده بيحصل كتير...خليها على N و انت واقف فى الزحمة و لما تيجى تمشى ادى D....