مصر موتورز مجتمع السيارات - توكيل رينو وإنطباعات سيئة جداً

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

- - توكيل رينو وإنطباعات سيئة جداً (https://www.masrmotors.com/vb/showthread.php?t=118710)

توكيل رينو وإنطباعات سيئة جداً

تعاملت مع توكيل رينو مرتين ( فرع العبور) وخرجت بإنطباعات سيئة للغاية عن هذا التوكيل والعاملين به ، تعامل فنيين الأستقبال سئ جداً كأنك بتشحت منهم ، وشغالين شغل الفهلوة فى الرد على أى أستفسار !!
زيادة سعر الصيانة بمقدار 40 % يعنى صيانة الـ 10000 كم زادت من 528 ج إلى 715 ج مرة واحدة
لاتشعر بأى عمل أو تحسن فى السيارة بعد خروجها من الصيانة بل ربما تلاقى خسائر ( أنا لقيت سائل زى مياة النار مبوظ الباب من الداخل ) ( توكيل سوزوكى برقبتهم )
ولايوجد أدنى إعتناء بالسيارة وغسيلها
فنيين الأستقبال ليسوا مؤهلين لاعلمياً ولايوجد لديهم ذوق فى التعامل بل جليطة وعنطزة على الفاضى (تعاملت مع شخص أسمه مصطفى فى الأستقبال قمة فى قلة الذوق والجليطة والكدب والفهلوة ، متذمر أنى براجع على تقرير أستلام العربية والأفندى عاملىعلامات فى كل حتة فى العربية أما خدوش أو خبطات وسايبها عايمة ، ومش عاوز يرجع باقى الزيت المستخدم !
بجد أنا غير راضى عن هذا التوكيل وخسارة الفلوس والوقت اللى ضاع 4 ساعات علشان صيانة العشرة آلاف كم !!
إن شاء الله هدور على مركزمحترم غيرهم أتعامل معاه وعلى الأقل شايف عربيتى قدام عيني بيتعمل فيها أيه
توكيل يستحق صفر على عشرة

رد: توكيل رينو وإنطباعات سيئة جداً

شوف انا بخبرتى مع اللانوس ايام ما كانت جديدة بطلت اروح التوكيل بعد ما اطمنت ان العربية مفيهاش عيب تصنيع
كذلك كنت جبت i10 برضه بطلت اروح التوكيل بعد ما اطمنت برضه

اصلى لما بقرأ الكتالوج الاقى انهم فى التوكيل بيلعبوا فى العربية بدرى بدرى فبتبوظ بدرى بدرى
انا مع التوكيل اغير الحاجة الفابريكة بتاعتها بدرى ليه عن الكتالوج ؟ !! عشان اخربها ؟!! لا ان بره التوكيل اغير الحاجة بعد ما تقضى عمرها الافتراضى اللى قايل عليه المصنع مش التوكيل

رد: توكيل رينو وإنطباعات سيئة جداً

كلامك مقنع جداً ياباشمهندس
فعلاً أنا عملت كده مع السوزوكى بعد الــ 10000 كم وناوى أعمل كده مع الداستر بس مش عارف أتعامل مع مين لوحصل حاجة لاقدر الله ، لوتعرف حد ياريت تنصحنى بيه وأكون شاكر جداً ، وتقبل تحياتىشكر وتقدير

رد: توكيل رينو وإنطباعات سيئة جداً

كان فى عضو معانا زمان اسمه pointer و اسمه الحقيقى الاستاذ حسام هو كان خبير داستر بس للاسف معدش بيدخل المنتدى من زمان