مصر موتورز مجتمع السيارات - خاص لملاك اسبرانزا عموما و113هاتشباك بالتحديد* استفسار*

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

خاص لملاك اسبرانزا عموما و113هاتشباك بالتحديد* استفسار*

يجماعة بليز عاوزة اخذ رايكم في حاجة

انا لسة جاية من توكيل اسبرانزا اللي في شارع القبة في روكسي

بصراحة كان في عضو هنا في قسم اسبرانزاقريت تجربتة مع 113 هاتش باك فحبيت اشوفها واشوف سعرها وتقسيطها عامل ازاي

فصراحة عجبتني خصوصا التابلوة كبيير وجميل شبة تابلوة الماتريكس وتحس فيها بوسع طبعا كلام جميل لواحدة زيي معندهاش خبرة في العربيات ptmnlo123per1127

عشان كدة عاوزة رايكم فيها بامانة وراعوا انها ع اد فلوسي

واهم حاجة ن شاء الله لما تتباع لاني اكيد هغير فالمستقبل تجيب تمنها او اقل اد اية ؟

وا اتكلمت مع الاستاذ اللي هناك ع السعر وعرفت اني ممكن ادفع مقدم 10580

وقسط 1040علي خمس سنين

والتامين مع بنك A.B.C.
وسعرها اصلا 52900

,وفايدة 9 ونص

وكان في ابو غالي مونورز

فلو كدة العرض كويس بالنسبالي

انتوا بقي اية رايكم في اسبرانزا عموما و113 بالتحديد

رد: خاص لملاك اسبرانزا عموما و113هاتشباك بالتحديد* استفسار*

هية بصراحة الاسبرانزا بمختلف انواعها مش رمفضلة وانا بحكم مهنتى كسمسار سيارات ارفض اشتغل فيها لان عارف هتعود عليا يسوق سمعة انا منسحش سعتك بيها ولو حبيت تعرف تفاصيل اكتر كلمنى واردعليك فى كل التساوءلات الى تسالها
01015896609
مهندس/مينا عصام

رد: خاص لملاك اسبرانزا عموما و113هاتشباك بالتحديد* استفسار*

لو على قد فلوسك و قسطها مريح بالنسبه لك فهى سياره جيده على ما أسمع و أرى بالشوارع !

وهى منتشره جدآ و عمرى ما رأيت واحده عطلانه فى الشارع !

أنا موش سمسار سيارات و بأخاف على سمعتى و بأقولك ( توكلى على الله ) ! ptmnlo123per122

Dr. Bolbolan ptmnlo123per1127

رد: خاص لملاك اسبرانزا عموما و113هاتشباك بالتحديد* استفسار*

ممكن احاول افيدك ولو بشوية معلومات صغيرة ... على فكرة انا معايا عربية موديل 2008 واستلمتها فى شهر 8 اللى فات ... العربية من ناحية الجرى والثبات زى الفل بجرى وبعمل بيها كل حاجة بس بصراحة بالنسبالى مثلا العربية تعتبر صغيرة .... لية بقى عشان ظروف شغلى بتحتاج الشنطة وكمان الكنبة الخلفية والشنطة بتاعت العربية صغيرة جدا ... والعربية لو هتعتنى بيها وتحافظى عليها هتبقى معاكى زى الفل ومش هتحسى انها صينى ... ولو حضرتك معتانتيش بيها هتزقى منها ومش هتحبيها خالص وطبعا القاعدة دى تنطبق على اى عربية سواء كانت صينى او حتى المانى ... نرجع للعربية تانى ... لو دققتى النظر جوة العربية هتحسى ان خامتها مش قد كده خامات بلاستيكية وطبعا الرد الطبيعى هيكون .. على قد فلوسها .. واما موضوع اعادة البيع فهى بصراحة عربية مطلوبة ... ولازم تعرفى انك قدام عايزها زيروا هتخسرى مش اقل من 10000 بعد ماتركبى النمر وبرضوا الكلام ده على اى عربية ... نصيحتى ليكى بقى اركبى العربية وجربيها وشوفيها كويس من جوة ومن برة واكتر حد يقدر يفيدك انتى ... يعنى موضوع التجربة هيفرق كتير معاكى فى اتخاذ القرار .... آه نسيت على فكرة انا عارض عربيتى للبيع

http://www.masrmotors.com/vb/showthread.php?t=9673

رد: خاص لملاك اسبرانزا عموما و113هاتشباك بالتحديد* استفسار*

اقتباس:

المشاركة الأصلية كتبت بواسطة Dr. Bolbolan (المشاركة 56249)

دكتور ردك بجد استفيد منة جدا ونعما بالله

بس انا لو فعلا قررت اني اشتريها هضطر اتقل شوية لحد ما اتمكن من سواقو المانيوال لاني وللاسف كنت فاكراها
اوتوماتيك !!!!!!!

ونسيت منظر الفيتيس المانيوال واخدني جمال التابلوة

ربنا يسهل ويقدم مافية الخير