مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   بروتون PROTON (https://www.masrmotors.com/vb/forumdisplay.php?f=40)
-   -   بروتون برسونا تقرير كامل (https://www.masrmotors.com/vb/showthread.php?t=14076)

flashfox 10-10-2009 12:18 PM

بروتون برسونا تقرير كامل
 
http://blog.autoworld.com.my/wp-cont...black-logo.jpg
نبدأ بسيارتنا وهي بروتون بيرسونا والتي تعد من افضل انتاج شركة بروتون الماليزية
http://productnews.link.net/general/...08-297-198.jpg

طرحت شركة بروتون الماليزية السيارة الجديدة بروتون برسونا السيدان التي حققت نجحا ومبيعات كبيرة داخل السوق الماليزي فور طرحا لتعزز حضور الشركة وتواجدها داخل الأسواق العالمية بطرح الطراز السيدان الأكثر رفاهية ورحابة ليواصل النجاح الكبير الذي حققه شقيقه الهاتشباك بروتون جين 2

وقد أظهرت السيارة بروتون برسونا كفاءة عالية في أثناء الاختبارات الشاقة التي أجريت عليها كما أظهرت السيارة ثباتا عاليا قلما يتواجد في هذه الفئة بفضل التكنولوجيا المتطورة والرائدة المزودة بها في هذا المجال وهي تكنولوجيا وهندسة شركة لوتس البريطانية المملوكة لبروتون الماليزية بالكامل

كما وفرت السيارة بروتون برسونا مرونة واضحة وتجاوب سريع مع متطلبات القيادة الديناميكية وذلك بفضل محركها المتطور كامبرو FM IA الذي يعمل من خلال 4 اسطوانات 1600 سي سي ويولد قوة قدرها 110 أحصنة والمدعوم بناقلي حركة أحدهما اوتوماتيك اربعة سرعات والأخر يدوي خمس سرعات

وقد شملت بروتون برسونا السيدان علي قائمة طويلة من التجهيزات والكماليات جعلت السيارة أكثر رفاهية وراحة لجميع مستقليها حيث راعت شركة بروتون في سيارتها الجديدة استغلال أدق التفاصيل
تكييف – سنتر – باور – زجاج كهرباء – سي دي كاسيت – فرامل A.B.S / A.B.D فرش مخمل.
كما اكدت الشركة ايضا علي الطابع الرياضي في أدق السيارة فقد زودت السيارة بجنوط سبور 15 بوصة لزيادة ثبات السيارة وكراسي رياضة تمنح مستقلي السيارة اعلي درجات الراحة وعجلة قيادة متعددة الاستخدامات .

وتأتي السيارة بروتون برسونا نتيجة طبيعية لثمرة التعاون بين بروتون الماليزية وشركة لوتس البريطانية المملوكة بالكامل لشركة بروتون والتي استخدمت فيها هندسة لوتس في المحرك وأنظمة التعليق

وقد جاء نجاح بروتون بفضل التخطيط والاستعانة بأفضل الخبرات هذا الشعار تبنته شركة بروتون الماليزية في استراتيجيتها المدروسة للنهوض بصناعة السيارات حتى أصبحت واحدة من اكبر مصنعي السيارات.

وتؤكد المؤشرات والأرقام التي حققتها الشركة خلال الفترة الماضية والغزو الماليزي لسيارات بروتون في العديد من الأسواق الحيوية والهامة يشير إلى الطفرة الكبيرة والقفزة التي قفزها النمر الأسيوي ليدخر وقتا طويلا وليكتسب خبرات قد تحتاج إلى عشرات السنين
<!-- / message -->

وبصراحة ومع احترامي للعربيات البروتون :

اولا التوكيل بشهاده الجميع بلا خلاف سئ جدا جدا جدا

المصنعيات نارر وقطع الغيار غاليه جدا جدا وكمان المعامله زى الزفت

غير بقا ان الصيانه للبروتون فى عز العرب فى مكان ضيق جدا وبيستقبلو عدد عربيات قليل كل يوم وده بيسبب مشكله فى حاله انك عايز تعمل صيانه فجأه

لازم تحجز من قبلها بفتره كويسه

العربيه مع اى حد لازم يظهر فيها حاجه غريبه منهم اللى اتحلت فى الضمان ومنهم اللى حتى يومنا هذا وبعد شهور من شراء العربيه مش لاقى لمشكلته علاج

ببساطه العربيه بيظهر فيها عيوب صناعه كتير ومختلفه زى الجين 2 بالظبط

غير كدا العربيه تحفه تحفه بجد كمشى وسواقه وركوب واوبشنز

لكن صعب تضحى بكل الحاجات دى علشان بس تركب عربيه حلوه



وارجو اني اكون افدتكم بس معرفتش اجيبلكوا صور عشان مش متوفرة بس انشاء الله قريب هاعمل واحد
وعلي عادتي ان الموضوع دة تجميع لاراء الناس حول العربية و ياريت نشوف ردودكوا

ولو حد عندو راي اخر ياريت يفيدنا عشان نصحح معلوتنا

pro mada 10-10-2009 04:30 PM

رد: بروتون برسونا تقرير كامل
 
موضوع ممتاز بس انقله لقسم البروتون و ابقي امسحه من هنا
تسلم ايدك يا باشا

flashfox 10-10-2009 06:39 PM

رد: بروتون برسونا تقرير كامل
 
مشكور بس كدة كدة هما هينقلوه بس انا حطيته هنا لناس عوزة تقارن بين البيرسونا وال frv

waelbaha 11-10-2009 04:12 AM

رد: بروتون برسونا تقرير كامل
 
جزاك الله خيرا

m_o_sakr 11-10-2009 10:56 AM

رد: بروتون برسونا تقرير كامل
 
hia 3rbia kwisa w kl 7aga bs zy mklna 3rfin mshakelha mesh olila w as3ar syantha kter, el frv 3rbia mfhash mshakel w wkilha a7sn shwiten bs brdo 7agtha mesh r5sa, bs bgd el frv 3rbia gmda awi

flashfox 11-10-2009 09:30 PM

رد: بروتون برسونا تقرير كامل
 
شكرا علي الردود ومروركوا علي موضوعي وانا مع الfrv

AbOnOrA 11-10-2009 11:46 PM

رد: بروتون برسونا تقرير كامل
 
افضل ما يميز العربية هى الاداء الرياضى للمحرك سواء القوة او العزم او منحنى العزم والقوة عامة اللى تم تعديلة ليصبح متميز ورياضى جداً بشهادة العالم حتى من الموديل اللى قبليه
110 bhp (82 kW) @ 6,500 rpm of power and 148 N·m (109 ft·lbf) of torque,

ده بالاضافة لاداء الفتيس الممتاز واداء منظومة التعليق اللى مصمماها لوتس اسطورة التعديل والسباقات الانجليزية وديه برضو بشهادة الجميع

واخيراً التصميم الداخلى والخارجى المتميز والانيق والرياضى

اللى اعرفة عن عيوب العربيات البروتون كلها انها لا تتعدى الاكسسوارات يعنى مش مقص يتكسر ولا جنط يتعوج ولا موتور يتغيرة وش سلندر زى ما بيحصل فى عربيات كورى مثلاً

فعيوب التقفيل زيها زى الكورى ومش كارثية ابداً

اما موضوع التوكيل ففى ناس بتشكر فيه يمكن انت ليك تجربة سيئة لكن مش شرط تكون عامة ياريت تحكيلنا عن تجاربك مع التوكيل بالظبط

وتسلم ايدك يا فلاش على المجهود والتقارير والمواضيع المتميزة ديه


الساعة الآن 11:26 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017