مصر موتورز مجتمع السيارات - حساس الكرنك و علاقته بالتقطيع

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - حساس الكرنك و علاقته بالتقطيع (https://www.masrmotors.com/vb/showthread.php?t=33192)

حساس الكرنك و علاقته بالتقطيع

السلام عليكم
كل سنه وانتم طيبين
و رمضان كريم

انا يا جماعه بقالى فتره بعانى من مشكله التقطيع فى عربيتى الشيروكى
وسيق و عملت موضوع عنها وده اللينك
http://www.masrmotors.com/vb/showthread.php?t=31059
المهم انا امبارح روحت اخد العربيه من الميكانيكى و قالى انها بقيت تمام و غير فلتر البنزين قولتله تعالى اركب جنبى وسوق انت ونجربها و حصل
وكنا ماشين بيها كويس لحد ما قولتله انا حاسس ان التكيف هوا اللى بيسبب المشاكل دى قالى عيب يا باشا و شغل التكيف شويه بعد ما قفله العربيه قطعت تانى و اديت مدافع كالعاده وانا الصراحه متضايقتش لانى بالنسبه لى بقيت عاده
المهم قولتله يرجع بيها و خدت انا تاكسى و روحت
النهارده بقى كلمنى و قالى ان العيب كان فى حساس الكرنك كان بايظ او سايح مش فاكر قال ايه والمفروض انى هروحله بكره اشوفها
فهل بقى حساس الكرنك ليه علاقه بالتقطيع و المدافع ؟؟؟؟؟؟؟؟
ملحوظه : انا لاحظت ان كل ما بشغل التكيف المشكله دى بتحصل بس لما قولتله قالى ان التكيف بيسخن الموتور و لما الموتور يسخن بتحصل المشكله و ممكن اوى تحصل لو مشغلتش التكيف و مشيت بيها مسافه طويله برده تسخن الموتور و بالتالى تحصل المشكله ؟
فهل التكيف له علاقه بالتقطيع ؟
ولا زى ما قال هوا حساس الكرنك ؟؟؟

رد: حساس الكرنك و علاقته بالتقطيع

cps أو crank shaft position sensor أو حساس الكرنك:) هو أحدى حساسات العربية زى حساس البوابة والماب وحساس حرارة العادم وهكذا, وظيفته نقل معلومات عن سرعة عمود الكرنك الى كمبيوتر العربية علشان الكمبيوتر يحدد وقت الشرارة وشوية حاجات تانية.

وفى حالة تلفه بيسبب تقطيع وباك فاير (مدافع) نتيجة لتوقيت الشرارة الغلط , أهتزاز ورجرجة على السلانسيه وممكن العربية ماتشتغلش أصلا.

وبيبوظ نتيجة أما لتعرضه لحرارة شديدة أو وقوع زيت أو مياه عليه, أو بيبوظ مع الزمن وخلاص.

المصدر ويكيبديا
http://en.wikipedia.org/wiki/Crankshaft_position_sensor

رد: حساس الكرنك و علاقته بالتقطيع

يا سلاااااااااااام عليك يا انجيكشن
ايوه كده اهوه هوا ده اللى بيحصل بالظبط اخيرا وجدتها
انا كنت متفائل المره دى خلاص كده يعنى بأذن الله المره دى اخر مره تعملها
نصيحه صغيره : المشكله يا جماعه ان الراجل اللى انا بتعامل معاه كويس جدا و ليه اسمه و كل حاجه بس كل مره بيحط العربيه على الكمبيوتر و الكمبيوتر بيقول انها مفهاش حاجه بس المره دى لما كشف عليها كده اكتشف فعلا ان حساس الكرنك بايظ

رد: حساس الكرنك و علاقته بالتقطيع

يعنى الكمبيوتر مش دايما بيطلع العيوب او بمعنى ادق مش دقيق اوى

رد: حساس الكرنك و علاقته بالتقطيع

هو أنا معرفش سبب عدم ظهوره أيه بالظبط.

بس أحب أفتى وأقول أن الكمبيوتر بتاع العربية بيعتمد على بيانات الحساسات تماما, ولو الحساس بيقرا غلط الكمبيوتر هيشتغل بالبيانات اللى الحساس مديهاله فبيدى توقيت شرارة غلط وده بيؤدى الى باك فاير وبرجلة وده تقريبا اللى بيحصل فى حالتك نتيجة أن الحساس شغال بس شغال غلط وبيطلع بيانات غير صحيحة, والكمبيوتر مش هيقرا العطل الا لو دائرة الحساس أتكسرت يعنى لو الحساس مخرجش كهرباء.