كرايسلر M 300
 

يا جماعة انا ناوى ان شاء الله اشترى M 300 موديل 99 حد عنده نصيحة لوجه الله لاخوكم؟

رد: كرايسلر M 300
 

شوف يا با شا ... العربية دى كانت مع احد اعز اصدقائى و لكنها كانت موديل 2001

سيارة فارهة واسعة جدا و مريحة جدا فى القيادة ذات محرك قوى 6 سلندر و 3500 سى سى و طبعا استهلاك بنزين عالى ...
و يعيبها انها واطية على الارض عدم جودة خامات التابلوه الى مشقق عند كل اللى اعرفهم معاهم العربية بالرغم من جودة باقى الخامات.. كثرة الاعطال الى حد ما ... التعقيد الفظيع تحت كبوت السيارة (تغيير البطارية بياخد حوالى 3 ساعات)
جر امامى و ده مابيبقاش كويس مع المواتير الكبيرة ... ثباتها كويس لأنها مبنية على انظمة تعليق من شركة مرسيدس و لكنه ليس مثل ثبات الالمانى بس هى افضل من باقى الامريكانى فى نفس الفئة.. تقيلة جدا فى اعادة البيع .. قطع غيار غالية الى حد ما

ده اللى فى دماغى دلوقتى يا باشا
و لو فيه حاجة معينة عاوز تسأل عنها تحت امرك

رد: كرايسلر M 300
 

مشكووووووور يا باشا انا كدة خلاص مش هاشتريها و هخلينى فى النيون بتاعتى

رد: كرايسلر M 300
 

تحت امرك يا باشا .. و اى اسئلة تانية تحت امرك برده و ربنا يوفقك للى فيه الخير

رد: كرايسلر M 300