ماهي عيوب الالنترا 2008
 

ماهي عيوب الالنترا 2008 ؟
مالفارق بين ال GL و ال GLS
وهل للاتوماتيك منها مشاكل بعينها تختلف عن المانيوال

رد: ماهي عيوب الالنترا 2008
 

من قلب الشركة نفسها خد المعلومات دى:

-السيارة فراملها ضعيفة وخاصة مع السرعات بتحدف وذلك لقوة الموتور.
-الأتزان سئ وبرضه فى السرعات.
-الصاج ضعيف للغاية لدرجة السوك الجانبية لو حد ريحللك بيده عليها هتطبق.
-عوامل الأمان لاتوجد الا فى اعلى موديل GLSوسائد هوائية للسائق فقط.
-الاوتوماتيك أحسن من المانيوال أغلب العملاء اشتكوا من الفتيس المانيوال وبيعملوا تغيير للديسكات والاسطوانات والبلية اللى موجوين فى الفتيس.(يعنى تغيير طاقم الدبرياش بالكامل).
-الطباعة الموجودة على الزاير الخاصة بالتكييف التتش بتتمسح وبلاستيك رديئة الجودة وانوارها غالبا بتتقطع.
تميزها فى موتورها القوى جدااااااااااا فقط
اللى بيحتاج فرامل قوية لكبح جماحه ولكن لا يجدها

العهدة على الراوى صديقى يعمل مهندس استقبال فى غبور ابورواش

رد: ماهي عيوب الالنترا 2008
 

عزيزي ايمن
انا اختلف معاك كليا فيما سبق
فقد اشتريت ال GL و استعملتها سنتين و بعد اشتريت اخري GLS و مازالت معي السيارة فراملها قوية جدا
كما اني سافرت بها و مشيت بسرعة وصلت الي 185 ك م و اول مرة احقق هذة السرعة و ما شجعني علي ذلك الا اتزان السيارة و ثباتها
اما بخصوص البلاستيك و الطباعة فهذا ايضا كلام غير صحيح و ان كان يبقي لسوء الاستخدام فالسيارة معي من اواخر 2006 و لم يحدث ما قلتة ابدا بل اني لم اقم بزيارة التوكيل الا لتغيير الزيت فقط .

رد: ماهي عيوب الالنترا 2008
 

طبعا العهدة على الراوى زى ما قال اخونا ايمن بس حبيت اوضح ان رؤية مهندس استقبال تختلف عن رؤية المستهلك العادى لان مهندس الاستقبال بطبيعة الحال بيشوف عيوب اكتر فاكيد قصدة ان ديه العيوب اللى بتجيلة دايما بس مش معنى كده ان كل العربيات فيها العيوب ديه

رد: ماهي عيوب الالنترا 2008
 

يا جماعه ده الكلام اللى اتقالى من صديقى وهو هيكذب ليه؟وهو المسئول عن الكلام ده وهو يملك السيارة كمان
وانا بالفعل جربت الفرامل مع السرعات معجبتنيش اما باقى العيوب زى ما قال ابو نورا عربيات كتير بتجيلوا فيها الشكاوى دى او دى اغلب الشكاوى اللى بتيجى