شفت ال fsv بس مش مرتاح للتكييف
 

رحت اتفرجت على الريليانس fsv عند سمير ريان وفليت العربيه بصراحه العربيه الفينش بتاعها تحفه وشيك جدا والعزل بتاع الموتور كويس جدا
بس اللى قالقنى انى دورت العريه وشغلت التكييف لاقيتو شبه مروحه هل عشان العربيه م مملحقتش تسخن ولا هو كده اصلا
يا ريت حد يكون جرب العربيه يرد علينا ويقول وايه مميزات وعيوب العربيه لانى ناوى اشتريها
وشكرا

رد: شفت ال fsv بس مش مرتاح للتكييف
 

لآ هو التكييف بيبقى كدة لما العربية تكون جديدة بيبقى لسة أول أو تانى فتحة له وبعد كدة هيبدأ يبرد بعد دقيقتين...معلش ممكن اسالك سؤال عن العربية دى ؟؟؟هى عاملة كام عند سمير ريان وبالنسبة للخامات بتاع الصالون كويسة ولا رديئة كأغلب العربيات الصينى؟؟

رد: شفت ال fsv بس مش مرتاح للتكييف
 

لا فى مشكلة فى تكييف البرليانس وكذا مشترى اشتكى من هذة الجزئية

رد: شفت ال fsv بس مش مرتاح للتكييف
 

هى العربيه fsl gl يعنى تكييف سنتر زجاج كهرباء عامله68.5
gls فرق جنوط وسنسور بارك ومرايات كهرباء عامله 75
بالنسه للصالون وهمى كانك راكب bmw فعلا والتابلوه خطير

رد: شفت ال fsv بس مش مرتاح للتكييف
 

ربنا يباركلك فيها لو جبتها ان شاء الله
أنا كمان بإذن الله ناوي أجيبها وعملت مقارنات كتيييييييييييير ما بينها وبين الاسبيرانزاM11 والجاك بي كلاس والبي واي دي والبروتون والأفيو والأكسنت وهما دول العربيات اللي كنت بفاضل بينهم لأني محكوم بالفئة السعرية دي
وبصراحة وبكل أمانة النتيجة كانت كالاتي:
الشياكة والتقفيل وجودة الخامات والفخامة والتوكيل مع اضافة الفتيس الأوتوماتيك مقارنة بالسعر يبقي طبعا البريليانس تكسب وبجدارة
وبصراحة شديدة لو مكنتش هاجيب أوتوماتيك كنت أول حاجة هاجيبها بعد البريليانس هي ال M11 يليها ال بي واي دي مع احترامي الشديد للماركات الأخري بس ايه اللي يخليني مركبش عربية فيها كل وسائل الرفاهية والأمان لما هي متوفرة وموجودة والناس بتشكر فيها وأجيب حاجة زي الأكسنت مفيهاش أي حاجة وأغلي منهم ومش ياباني لأن بصراحة أعتقد ان الصين قادمة قادمة لا محالة
وده رأيي والرأي الأول والأخير ليك طبعا
كنت عايز أسألك علي شوية حاجات كده معلش ... هو الFSV الأوتوماتيك عند سمير ريان بكام وهل متوفرة ولا لأ وهل نزل ال 2011 ولا لسه وفي اختلاف بينها وبين 2010 ولا لأ ولا مفيش أي أخبار عنها
اسف جدا جدا علي الإطالة