تجربة سبير كار ومينفعش
 

السلام عليكم وحمة الله وبركاته

اولا الناس هناك فى سبير كار كويسيين لكن الصنيعية شكلهم مش فاهمين اى حاجة فى اى حاجة

اولا انا رحت هناك عشان اركب سماعات وانذار

المهم
رحت هناك واستقبلنى واحد تمام قلت قشطة بيس
قالى معلش اركن فى الجراج عشان عشان تشوف اللى انت عاوزه
رحت رايح راكن فى الجراج المهم

قلتلهم انا عاوز اركب سماعات عندى ورا علم بان عندى اربع سماعات فى الابواب
قالى مينفعش قلتله ليه يا عم الحاج قالى عشان اى كاسيت فى الدنيا بيطلع ل 4 سماعات فلازم الغى سماعتين
قلتله مينفعش يتركبوا كلهم مع بعض قالى مينفعش وعنده حق



قلتله طب والحل

قالى لازم تركب جى ام قلتله خلاص ماشى
قالى بس معندناش جى ام دى اولا ثانيا الكاسيت ممكن ميكونش فيه جى ام قلت طيب
حجيب كاسيت للعربية يبنفع يتركب فيه جى ام

قالى لا مينفعش عشان كل كاسيت بيجى مظبوط على العربية بتاعته قلتله ازاى يعنى

قالى عشان كل كاسيت ليه مقاس ومش حنلاقى المقاس بتاعك ptmnlo123per111

قلتله طيب خلاص ركب السماعات

بص شوية فى الشنطة وقالى حتبقى سماعات مدورة قلتله لا انا عاوزها بيضاوى
قالى لا مش حينفع لازم تروح للسمكرى عشان تفتح فتحه للسماعات ptmnlo123per144



قلتله بلاها سماعات

حركب انذار

عاوز انذار سباى

قالى لا مش حلو مع العربيات الصينى

قلتله ليه تانى عشان العربية صينى ولا الانذار صينى قالى لا عشان الانذار بيعمل مشاكل مع العربيات الصينى

حسسنى انى راكب كارو

قلتله بعدين قالى عليك وعلى التوكيل

على الرغم من ان العربية فيها سنتر وشغال وعادى خالص مش فاهم


حد يقولى ايه اللى بيحصل


اه نسيت اقولكوا انى ركبيت الحاجة دى فى واحد فى وسط البلد من غير ما يقولى اى مشكلة

وشكرا لسبير كار على كلمة مينفعش

رد: تجربة سبير كار ومينفعش
 

انا حاطط عندي كاسيت مفهوش غير مخرجين سماعات فقط و مركب سماعتين في التابلوه و سماعتين في الابواب الاماميين و كنت هركب 2 ورا بس ملقتش بيضاوي صغير و محبتش اقطع في الاستاند الخلفي !! و يشتغلوا عادي جدا !!! مش عارف ايه وجهة نظرهم بصراحة !

رد: تجربة سبير كار ومينفعش
 

هو ده اللى حيجننى انا مش عارف

بس هم شكلهم مش عاوزين يشتغلوا

رد: تجربة سبير كار ومينفعش
 

انا محرج من هضرتك بس انا بحثت فى الموضوع وكان المهندس بتاع الكهرباء مكنش موجود
هوة كل الى االو صح بس الفكرة انو مش عارف يوصلك المعلومة صح

رد: تجربة سبير كار ومينفعش
 

أنا برده حصلي نفس الموقف لما رحت أركب جهاز جي بي اس ملحق معاه سنسور بارك وكاميرا في عربية سيراتو 2006 برده قالي الفني مش هاينفع يتركبوا مع بعض ومفيش حاجة كدة
سيبته ورحت محل اسمه ادريان في شارع جامعة الدول بص على الجهاز وابتدا يركب بكل بساطة كان شاكله فاهم وركبه بكل بساطة والله ينور