تجربه قياده ستروين C4
السلام عليكم ازيكم يا رجالتنا و بالاخص رجاله الفرنساوي ptmnlo123per122 من فتره كده حوالي 3 اسابيع كنت بعمل شغل في عربيتي عند الميكانيكي بتاعي (بتاع بيجو طبعا) فلقيت عنده هربيه ستروين c4 بيعملها تيل فرامل و بيغيرلها سيور و كده فانبهرت بيها بصراحه الميكانيكي : قالي شوفت الستروين دي ptmnlo123per172 نور :اه حلوه و عجباني الميكانيكي : عربيه نضيفه والله و فيها كماليات عاليه اوووي نور : ايوه والله دي كفايه السقف النوراما بتاعها الميكانيكي : استني اخلص الشغل الفيها و اطلع جربها و طبع فرامل و عيش حياتك و قولي رايك نور : لا يا عم ده شغل ناس الراجل ممكن يزعل او حاجه الميكانيكي : ده صحبي متخفش و ثانيا لو قال حاجه هقوله بيطبع الفرامل و مش هيقول حاجه نور : طيب خلاص اشطه ......................... ............ رحت انا مستغل الموقف و دخلت جوه العربيه و اخدت شويه صور بس مش واضحه اووووي علشان اعمل تقرير عشان عيونكم هي 3 صور بس الصور مكنتش حبوه عشان اخد اكتر من كده و دي الصور:- ......................... ...................... نبدا بقي التققيم الشامل من وجه نظري ........... الكماليات و الامكانبات : 1- ناقل حركه اوتوماتيك 2-موتور 110 حصان و عزم دوران 167 نيوتن (نفس موتور ال 307 ) 3- تكييف اوتوماتيك بشاشه عرض بيانات 4- 4 زجاج كهرباء 5- سقف بانوراما 6-كشفات شبورة 7- سنتر لوك و انذار 8-الكنبه الخلفيه قابله للطي لزياده مساحه التخزين في الشنطه 9-abs + ebd 10- كاسيت راديو Cd 11- درج التخزين بالسياره مبرد 12 - امكانيه التحكم تغيير اتجاه الدريكسون الي اعل او اسفل او الي اليمن او الي الشمال 13- الدريكسون مزود بالتحكم في الكاسيت 14 - 4 اير باج 15 - جنوط 16 16-باور سترينج 17- مكان لحفظ النظاره 18- شاشه عرض بيانات دي كل الكماليات المتذكره حاليا ......................... ......................... . نخش بقي علي تقييمي الشخصي :- مساحه صالون السياره 80 % مساحه الشنطه 70 % خامات تصنيع التابلوه و الفرش 90 % التقفيل 90 % التكييف 90 % الثبات 95 % راحه الركاب 75 % (بسبب العفشه النشفه و الجنوط ال 16 التي توفر الثبات علي حساب الراحه قليلا ) التسارع و كفائه المحرك 90 % الفرامل 95 % (فعلا الفرامل تحفه بكل المقاييس) العزل 80% (كنت سامع صوت الموتور بعد ما عديت ال 3 rpm) التحكم في السياره 85% الباور 75 % ( تقيل زي كل الفرنساوي ) ارتفاع السياره علي المطبات 70% ( العربيه واطيه علي الارض بتحك كتير في المطبات العاليه ) الرفاهيه و الكماليات 90 % ......................... ........................ تفاصيل التجربه :- السياره موديل 2007 68 الف كيلو وصلت للعربيه بسرعه 120 كم دي اقصي سرعه وصلتلها و اخدت غرزتين في السريع كده بس غرزتين ساهلين و اخدت كام مطب كده برده عشان اشوف العفشه و تاثير المطبات علي العربيه ......................... ....................... احساسي بعد التجربه :- بجد استمتعت بالتجربه دي و فعلا فعلا عربيه عجبتني جدا جدا و عربيه تستحق الاحترام و تعييد اسم ستروين للسوق بقوه ان شاء الله ......................... ..................... بعض الصور عن السياراه:- ......................... ..................... و بكده نكون خلصنا تجربه قياده الستروين C4 ptmnlo123per1127 يارب يكون عجبكم التجربه دي و نوعدكم بتجربه لسياره اخري قريبا ان شاء الله هذا الموضوع حصريا لمنتدي مصر موتورز واذا اراد احد نقله يجب كتابه اسم صاحب الموضوع و مصدر الموضوع و شكرا |
رد: تجربه قياده ستروين C4
وطبعا دلوقتي نزلت السياراه بموتور جديد و بشكل مختلف نسبيا موديل 2009
|
رد: تجربه قياده ستروين C4
ايه الشغل الجامد ده يا نور واللهي شوقتني ليها
عربيه فعلا ممتازه تسلم يا باشا |
رد: تجربه قياده ستروين C4
ربنا يخليك يا كابو الله فعلا هي عربيه اوربيه جميله جدا
|
رد: تجربه قياده ستروين C4
هيا عربية جميلة فعلا
و تجربة افادتنا و ياريت تعرفنا على الميكانيكى دة و المفاجات جاية قريبا لمصر موتورز و اكيد انت فاهمنى |
الساعة الآن 12:44 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017