هل شراء سيارة كسر زيرو مخاطرة؟؟
 

السلام عليكم ورحمة الله

سؤال يطرح نفسه دائماً -بشكل مباشر أو غير مباشر- كلما فكر أحد في شراء سيارة (كسر زيرو) أو موديل نفس السنة أو السنة الماضية...

دائماً الشك و التساؤل: "لماذا يبيعها مالم يكن بها عيب؟؟"

بالطبع هناك ظروف قد تضطر أحدهم لبيع كل مايملك وليس فقط سيارته الجديدة -(أسأل الله أن يعافينا جميعاً منها)- لكن بالطبع أنت لا تعلم هل البائع مضطر لظروف أم أن السيارة بها عيب ويريد التخلص منها و تلبيسها لأول مغفل؟؟

من المستبعد طبعاً أنه "غير رأيه" بعد أن اشترى السيارة وقرر شراء موديل آخر!!

الحقيقة لا أدري...

وكلما أثير الموضوع أرى نفس النظرة المثبطة المحذرة في عيون الناس ... ptmnlo123per147 ودائماً النصيحة: "اشتري الجديد أضمن.. لو كان فيها الخير ما كان رماها الطير"

أفيدونا بخبراتكم -(سواء كنتم بائعين أو مشترين .. أو متفرجين على الاثنين :) )-

هل شراء كسر الزيرو مخاطرة؟؟

وهل احتمال احتوائها على عيوب صناعة أعلى من احتمال الجديد؟؟

وهل فرق سعرها عن الزيرو يستحق المخاطرة؟؟

رد: هل شراء سيارة كسر زيرو مخاطرة؟؟
 

حاله العربيه هي الفيصل في عمليه الشراء
اساسيات العربيه و الموتور و العفشه و ما الي ذلك
لو العربيه تمام و كويسه مافيش مانع اشتريها
بعد الكشف عليها و التأكد من عدم اصابتها في الحوادث
والكلام دا بيطبق علي اي عربيه سواء موديل 60 او حتي موديل 2010

رد: هل شراء سيارة كسر زيرو مخاطرة؟؟
 

هو دا الكلام المزبوط مفيش فرق كله مستعمل وانت وشطارتك في الكشف

رد: هل شراء سيارة كسر زيرو مخاطرة؟؟
 

انا شايف ان العربيه كسر الزيرو سواء موديل السنه او السنه الماضيه بتبقى فرصه كويسه
( طبعا بعد استبعاد الحوادث لا قدر الله )
والعربيه بتبقى لسه داخل الضمان ضد عيوب الصناعه
فبتبقى فرصه كويسه لشراء عربيه جديده بسعر لقطه
( طبعا الكلام ده لا ينطبق على العربيات الصينى علشان ماحدش يقدر يحدد عمرها الافتراضى قد ايه او عيوبها ايه بالظبط لانها عربيات لسه حديثه العهد فى مصر والصين مالهاش اى تاريخ فى صناعه السيارات )
بعكس عربيات تانيه ذات تاريخ طويل ( يعنى مثلا التويوتا والميتسوبيشى والهيوانداى والنيسان وغيره وغيره )

فانا شايف بعد استبعاد العربيات الصينى والعربيات حديثه العهد ( زى البروتون مثلا ) العربيه كسر الزيرو بتبقى فرصه كويسه

رد: هل شراء سيارة كسر زيرو مخاطرة؟؟
 

كل واحد لة وجة نظر