مصر موتورز مجتمع السيارات - استفسار عن صيانه مازدا 3 موديل 2007 خليجى ؟

السلام عليكم
اولا بمسى على احلى منتدى واحسن ناس وفعلا انتم وحشتونى لانى من اكتر من 8 شهور ماتفاعلتش ولا اشتركت هنا والحمد لله رجعت تانى

انا كان عندى استفسار بخصوص المازدا 3
واحد صاحبى معاه مازدا 3 موديل 2007 خليجى لسه منزلها من الامارات من حوالى شهرين عامله تقريبا 40000 كم ولسه ماعملهاش اى صيانه هنا فى مصر من يوم ماجبها يعنى اخر صيانه او زيت اتغير كان فى الامارات وهو بيغير زيت كل 5000 تقريبا
دلوقتى هو عايز يغير زيت ويعملها صيانه دوريه بس مش عارف ايه النظام وفين وبكام وايه الزيت اللى بيتحط فيها هو بيقولى انه فى الامارات تقريبا كان شل بس مش متاكد لانها كانت مع والده مش معاه
يعنى هو دلوقتى محتاج يغير ايه مثلا فى القطع الاستهلاكيه وفين وتتكلف اد ايه
هو من دمياط فياريت لو حد يعرف مركز خدمه بيشتغل فى المازدا قريب من دمياط يعنى مثلا المنصوره او بورسعيد

شكرا مقدما