مساعدة فى جنوط للالنترا
 

الاخوة الاعضاء ارجو ان تفيدونى فى موضوعى
يعنى كل اللى يقدر يساعدنى بمعلومة يقولها يارييييييييييت


انا معايا النترا موديل 2008 وعايز اركب جنوط سبور وفى ناس بتقولى مقاس 16 وناس تانية بتقول مقاس 17 افضل
ارجو الافادة اية هوا المقاس الافضل وكمان اية هوا مقاس الكاوتش اللى يركب مرتاح علية
بس اهم شىء ان شكل الجنط يكون جامد على العربية يعنى ميكنش صغير وكمان ميكونش غلط على العربية او العفشة

رد: مساعدة فى جنوط للالنترا
 

شوف يا سيدي
اولا شوف الجنوط اللي راكبة عندك كام
وشوف عرض كوتشك كام وارتفاعه قد ايه (55*195*15) مثلا
وشوف الارتفاع اللي فاضل من الكاوتش للرفرف كام يعني كام سم (إبتداء من سطح الكاوتش حتي رمش الرفرف)
ساعتها نقدر نقول ممكن الكاوتش اللي يركب عندك كام والجنط كام وما يعملش مشاكل (طبعا معا مراعاة ان الجنط يكون
نس عدد مسامسير الجنط اللي عندك)

رد: مساعدة فى جنوط للالنترا
 

اولاااا شكراا جداااااا على الاهتمام والرد دة لان الموضوع مكتوب من فترة ومكنش حد رد
بالنسبة للمسافة بين الكاوتش ورمش الرفرف فهيا تقريبااا 7 سم
اما بالنسبة للكاوتش اللى راكب عندى فهوا 185_65_15
مع العلم ان الالنترا بتنزل ب 195_65_15 وكمان تنزل ب 205_55_16 والمقاسات دى مكتوبة عندى تحت الباب بتاع السيارة

رد: مساعدة فى جنوط للالنترا
 

اولا المقاس اللي مكتوب عندك علي الباب ممكن تستخدمه
والمسافة 7 سم معقولة لو حبيت تكبر
وبالنسبة للمواصفات القياسية للكاوتش في معادلة وهي
حاصل ضرب [(عرض الكاوتش × الارتفاع) ÷ (25) ] × 2 + قطر الجنط= رقم محيط الإطارات
بمعني [(185 × 0.65)÷ 25] × 2 + 15= 24.62
حاول بهذه المعادة الات يصل الفارق إلي واحد صحيح
ملحوظة رقم (25) ورقم (2) بالمعادلة رقم ثابت

رد: مساعدة فى جنوط للالنترا
 

لو عايز تركب 17 ركب عادي يا باشا شفت كذا النترا مركبين 17 عادي و هيعلي ثباتها اكتر من الاول و فيه موضوع عمله ا/عيسي عوض و هو صاحب معرض جنوط و اطارات و بطاريات ممكن تبص عليه و عامل خصم للناس من المنتدي او شوف الجروب بتاعه علي الفيس بوك عارض اغلب الجنوط اللي عنده فيه