تقرير اولى عن سيارتى اللوجان
 

الحمد لله استلمت من حوالى اسبوعين لوجان اوتوماتيك العربيه بشكل عام مرضيه من ناحية العفشه والصالون الداخلى والشنطه الخلفيه والكاسيت كمان عاجبنى لان فيه بلوتوث بقدر ارد على المكالمات وانا سايق والصوت كويس جدا مش عارف نوعه ايه لكن هو مش بلانك اوت اللى بشوف صورته فى المنتديات, بالنسبه لاستهلاك البنزين العربيه مشيت حوالى 450 كم فى اول تفويله اللى هيه 50 لتر وافتكر ممكن يتحسن شويه , الفرامل محتاجه اضغط جامد مش لمس يعنى مش عارف ممكن تتظبط فى التوكيل ولا هيه طبعيتها كده , بالنسبه لسحب الموتور مش عايز احكم عليه زى استهلاك البنزين لان العربيه لسه معملتش 1000 كم وممكن يتحسن الاداء بعد 4000او5000 كم نسيت اقول كمان والكلام ده مش جديد العربيه عاليه عن الارض حتى وهى محمله 5 اشخاص مش بقلق من المطبات اطلاقا بالنسبه لتوزيع ازرار التحكم وفتح تنك البنزين والشنطه بالمفتاح بحاول اتعود عليها واتخيل اللى عملهم كده كان بيفكر ازاى .اقدر اقول ان العربيه بصفه عامه صفقه جيده مقارنتة بالمبلغ المدفوع على عكس الفيرنا واللانوس وحتى الافيو فى رايى. واخيرا تقبلوا تحياتى والسلام عليكم ورحمة الله وبركاته.........

رد: تقرير اولى عن سيارتى اللوجان
 

الف الف مبروك و ربنا يديك خيرها ويبعد عنك شرها امين يارب العالميين .
احب اقولك ان فرامل اللوجان احسن بكتير من الانوس و الفرنا و اقوى و ده عن تجربة الانوس و اللوجان اللى معايا و هى فعلا من افضل العربيات فى فئتها و كفاية علوها عن الارض و العفشة بتعتهاها

رد: تقرير اولى عن سيارتى اللوجان
 

مبروك العربية .. الفرامل هتتحسن بعد الالف الاولى .. واستهلاك البنزين (فى الغالب) هيفضل عالى لغاية الـ 10000 ك .. ربنا يديك خيرها ويكفيك شرها..

رد: تقرير اولى عن سيارتى اللوجان
 

الله يبارك فيك وكلامك صح فعلا

رد: تقرير اولى عن سيارتى اللوجان
 

الله يبارك فيك وربنا يكرمنى ويكرمكم جميعا ان شاء الله