قلقان جدا ... نرجوا خبرة اعضاء المنتدى الكرام
 

استلمت سيارة بريليانس V5 والحمد لله العربية كويسة بس فيه ملحوظتين

اولا الشكمان بيطلع دخان ابيض انا شايف انه زايدة عن اللزوم مش عارف ده طبيعي ولا ايه !!! مع العلم ان عربيتي السابقة الانسر مكنتش بطلع دخان زي كدة

ثانيا المتور صوته عالي لما تيجي تطلع من مطب وعايز تفلت من اللي جنبك فالصوت عند السحب بيكون عالي اعلى من الانسر برضوه ده طبيعي يعني مقلقش من الصوت العالي وادوس بنزين براحتي ولا ايه

مع خالص تحياتي

أبوبكر

رد: قلقان جدا ... نرجوا خبرة اعضاء المنتدى الكرام
 

هو طبعا الجو اللى احنا فيه يخلى المرسيدس الزيرو تطلع دخان ابيض و دا طبيعى جدا

حكاية صوت الماتور اكيد طبيعى لان مش كل العربيات زيى بعضها
المهم انك تلتزم بتوصيات دليل المالك بخصوص الكيلومترات الاولى من عمر السيارة ( ان وجدت )
لان فى عربيات الكتالوج لا ينصح بزيادة ال rpm عن قيمة معينة فى فترة التللين

رد: قلقان جدا ... نرجوا خبرة اعضاء المنتدى الكرام
 

الف شكر يا استاذ احمد والله كلامك طمني

موضوع ار بي ام والله انا بدوس اصل الواد اللي في المعرض قالي هيه متلينة جاهزه مش عارف هو بيضحك عليا والا ايه وعامة انا هشوف الكاتالوج

رد: قلقان جدا ... نرجوا خبرة اعضاء المنتدى الكرام
 

فعلا ممكن تكون متلينة جاهزة
بس عندك حق لازم تقرأ الكتالوج حرف حرف

رد: قلقان جدا ... نرجوا خبرة اعضاء المنتدى الكرام
 

عفوا .... لا أريد أن أقلقك .. لكن دخان لونه أبيض شىء يسترعى الانتباه و يجب السؤال عنه فى التوكيل و سؤال أكثر من مهندس للوقوف على طبيعه الأمر ... ربنا يطمنك