مصر موتورز مجتمع السيارات - اللوجان اتحسدت :( الحمد لله

السلام عليكم

كل الموضوع زي منتوا عارفين اني حاطط العربيه في جراج خاص من ساعة مجيبتها

النهارده وانا نازل بدور العربيه لقيت صوتها عالي جدا فافتكرت اللي حصل امبارح

الجراج عندي انا عامله مطب عشان الميه وعشان القفل بتاع الدكان
http://store3.up-00.com/Nov12/Mlj77427.jpg

هو باين في الصوره حنين بس هو عالي
لو حد راكب معايا في العربيه يبقي اكيد ححك فيه
بس انا علي طول بدخل لوحدي من ساعة مجبتها
وبتخش بالظبط
اللي حصل امبارح وانا بركن اني سمعت صوت حكه وزي نتشه كده بس محطتش في دماغي
علي الرغم اني كل يوم بطلع وبدخل عادي وعمرها محكت !! نصيب الحمد لله
وظهر بقي لما ركبتها تاني يوم

روحت لبتاع جاكمانات محترم قالي انا مش حم ايدي فيها واطلع عالتوكيل بس حقولك فيها ايه (وهو ده اللي انا رايحله عشانه بالظبط)
قالي جوان فرن وفيها قاعدة موتور كمان !! استغربت جدا صراحه
وطبعا السحب قل معايا عشان التنفيس اللي مالفرن ده
بس انا سامع تخبيط الجاكمان لما العربيه مثلا تبقي حتبطل او احط غيار عالي
ربنا يستر والموضوع ميطلعش بره الضمان بس !!
بكره الصبح حروح التوكيل فرع العامريه وربنا يستر