كيف احافظ على سيارة جديده زيرو ؟ ارجو المشاركة
 

اخوانى الاعزاء
أحب ابشركم اننى الان فى طريقى لشراء سيارة دايو لانوس باذن الله تعالى .
وحيث ان تجربتى السابقة كانت مع سيارات مستعمله ، لذا ارجو التكرم بالمشاركة والافاده عن النقاط التالية :

1- أذا كانت السيارة كسر زيرو : ماهى المراكز المتخصصه التى يمكن ان افحص السيارة بها وتقدم لى تقرير كامل عن حاله السيارة ؟ ارجو الافاده عن مركزين على الاقل (يفضل مناطق م.نصر او ضواحى ش جسر السويس )
وهل يمكن الذهاب بها لتوكيل دايو ؟؟ أبوغالى ام أبو الفتوح أم أبو حد تانى ؟؟؟

2- كيف يمكن الحفاظ على السيارة بحالة جيده او بمعنى طرق الصيانه الرشيده التى تحافظ على حالة السيارة ؟
3- اذا كانت السيارة زيرو : هل يمككنى السفر بها لمسافات طويله قبل ال1000كيلو الاولى مثلا ؟
هل يفضل عدم السفر على الطرق الصحراوية فى الفترة الاولى من عمر السيارة ؟ (سمعت كده - فهل هذا صحيح ؟)

معذرة للاطالة وارجو المشاركة الفعاله
مع خالص تحياتى ،،،

رد: كيف احافظ على سيارة جديده زيرو ؟ ارجو المشاركة
 

السيارة لو زيرو ممكن تعمل بيها اللى أنت عاوزه بشرطين
1- متزودش عن 3.5 RPM
2- متفضلش ماشى على سرعة واحدة كتير.....يعنى لازم تغير السرعة اللى انت ماشى عليها من فترة للتانية يعنى شوبة على 60 شوية على 100 شوية على 90 شوبة على 120 كده يعنى ( بس متزودش عن 3.5 RPM برضه )

رد: كيف احافظ على سيارة جديده زيرو ؟ ارجو المشاركة
 

اهلا و سهلا بيك في مصر موتورز و الف مبروك علي العربيه الجديده:)

اهم حاجه تاخد بالك من مواعيد تغيير الزيت و الكشف الدوري علي العربيه و الصيانه في مواعيدها
علي الاقل كل عشره الاف كيلو و تربيط العفشه لو بتروح اماكن مكسره كتير يبقي كل شهر او شهرين
و ما تغسلش العربيه في المغسله كتير علشان تحافظ علي الصاج و تغسلها من تحت بعد كل شتوايه
و تشتري لها غطاء و تغطيها بالليل علشان الندي و الشمس .
سافر بيها عادي جدا لكن ما تزودش السرعه عن 90 او 100 بالكتير و علي الخامس
و حاول دايما تنقل علي rbm متوسط مش عالي و بلاش شد و قرص علي الموتور.و يستحسن بلاش تكييف بالمره
هو القلق من التيارات الهوائيه الشديده بس طالما علي سرعات بطيئه ما تقلقش
و خد بالك ان معظم ان لم يكن كل العربيات حاليا بتخرج متلينه من المصنع
يعني التليين اللي بنعمله دا زياده في الاطمئنان مش اكتر

رد: كيف احافظ على سيارة جديده زيرو ؟ ارجو المشاركة
 

شكراا للاخوة على المعلومات القيمة

رد: كيف احافظ على سيارة جديده زيرو ؟ ارجو المشاركة
 

أشكر كل من تفضل بالمشاركة فى هذه الموضوع وخصوصا الاستاذ حازم
ولكن مفيش حد رد على النقطة الاولى ؟ وفى سؤال كمان لو سمحتولى (لعدم خبرتى بالنقطة دى) ماهى وظيفة RPM ومامعنى 3.5 RPM ؟
وليه بلاش تكييف !! انا ماصدقت انى هجيب عربيه بتكييف خصوصا والصيف باين من اوله اهو - شايف الجو انهارده عامل ازاى ؟؟؟ ارجو التوضيح واعتذر للاطالة مرة اخرى
تحياتى ،،،