طلب للمهندس سمير عياد بشرح دائرة الاشتعال
 

السلام عليكم
الحقيقة انا متابع الموقع دة من فترة طويلة ولقيت فيه ضالتى المنشودة اللى انا بحبها جدا وهى الحديث عن السيارات والمشاكل بتاعتها واصلاحها وعلى وجة الخصوص المهندس سمير عياد وله منى كل التحية والتقدير لمتابعته للمشكله حتى حلها باذن الله والمهندس احمد على وكل المهندسين المشرفين على المنتدى .
ولو يسمح وقت المهندس العزيز سمير يشرح لى دائرة الاشتعال الاكترونى ومكوناتها للعربيات الكربراتير زى البيجو القديم والاكسنت لان الكمبيوتر هو اللى بيدى الامر فى العربيات الحديثة للاشعال والحقن لكن فى القديمة مين بيدة امر الاشعال هل فية اسبراتير وبيستغنى عن الابلاتين والكوندنسر فقط ام فية دائرة الكترونية بتتحكم فيه
اسف على الاطالة بس الموضوع شاغلنى وعايز لو ينفع اجربة فى بيجو بتاعتى واشترى مكوناتة منين
والف شكر على اهتمامك وتعبك معانا بس الحقيقة انا لقيت طريقة شرحك للمواضيع بسيط ومفيد ووافى واى حد يقدر يفهمه بسرعة عشان كدة لجات لحضرتك
الف شكر للمنتدى الرائع وكل القائمين عليهROSE4U

رد: طلب للمهندس سمير عياد بشرح دائرة الاشتعال
 

نعم بيتم الأستغناء عن الأنظمه القديمه

أى الأسبراتير العادى وموضوع الأبلاتين والكوندنسر

بالتحول إلى أنظمه ألكترونيه

تتكون من مشط ألكترونى IGNITER وبوبينا تابعه له

لأن المشط هو المساعد للبوبينا فى عملية تحويل فولت البطاريه إلى آلاف الفولتات

الازمه لأحداث شراره قويه بين قطبى شمعة الأشتعال للبوجيهات

وعملية التوزيع بتتم بأسبراتير عادى جدا ( من خلال توزيعة عمود الكامه )

وبالفعل فيه ناس حولت ال 504 من نظام أشعال تقليدى يعتمد على الكوندتنسر والأبلاتين

إلى نظام ألكترونى

ينفع عادى فعلا

بس طبعا حتلغى كل الشغل القديم عندك

وتشترى مشط وأسبراتير وبوبينا

على فكره

لو عندك كهربائى شاطر

ممكن يلغيلك دور الأبلاتين والكوندسر والبوبينا فقط ( كهربيا )

وتجيب مشط وبوبينا ألكترونى مع شوية توصيلات

وتعمل الشغلانه دى بنفس الأسبراتير بتاعك

لأن الأسبراتير

ماهو إلا موزع شرر

وملوش دخل بموضوع تحويل فولت البطاريه إلى آلاف الفولتات

فموضوع التحويل للفولت من جهد منخفض لجهد عالى

خاص فقط بالآتى

النظام القديم عندك

بوبينا عاديه وبيشغلها الأبلاتين والكوندنسر

النظام المقترح

بوبينا ألكترونى وبيشغلها مشط ألكترونى

يعنى ممكن تشغل الأسبراتير القديم بعد ألغاء دور الأبلاتين والكوندنسر

_________________________ _

وفيه أنظمه تانيه

حتكون محتاج فيها لتغيير الأسبراتير كله والبوبينا

هنا بأه

حتحتاج أسبراتير ألكترونى جواه المشط ( فى لغة السوق بيسموه البلاطه )

مع بوبينا تشتغل على البلاطه دى أو المشط إللى جوه الأسبراتير

فى الحقيقه

فيه ناس نفذت النظام الأول فى ال504

أما النظام التانى

محتاج أنك تلاقى أسبراتيرببلاطته

يتناسب مع التركيب عندك على نهاية عمود الكامات

رد: طلب للمهندس سمير عياد بشرح دائرة الاشتعال
 

دى بأه

دايرة الأشعال إللى عندك

يا أستاذ : مدحت

هنا

رد: طلب للمهندس سمير عياد بشرح دائرة الاشتعال
 

انا الحقيقة مش عارف اشكرك ازاى وربنا يبارك لك فى حضرتك ومالك واسرتك ويكثر من امثالك ولك منى كل التحية والاحترام وانا هجرب واحكى بعد التنفيذ ونجاح التجربة ان شاء الله والف شكر ليك على اهتمامكشكر وتقديرGIFT4UROSE4U

رد: طلب للمهندس سمير عياد بشرح دائرة الاشتعال
 

مش حينفع للأسف ياأستاذ : مدحت

تشغل الأسبراتير القديم

وبالتالى أنا بأعتذر على تلك النقطه إللى عداتنى

ولكن

بالفعل تستطيع تعديل دورة الأشعال عندك

من نظام أبلاتين وكوندنسر مشمولين داخل أسبراتير ميكانيكى

يعنى حتشيل القصه إللى عندك كلها

( أسبراتير ميكانيكى + بوبينا عاديه )

وحتحتاج

أسبراتير ألكترونى وبوبينا ألكترونى فقط

فيه نوعين من الأسبراتيرات بالسوق ألكترونى برضه

1- جواه بلاطه زى الأقتراح التانى الموضح أعلاه

2- جواه مفتاح لتشغيل مشط منفصل تحت البوبينا

لأن دور موزع الشرر ( الأسبراتير كالآتى )

1- توزيع الشراره على البوجيهات

2- قدح أو أثارة البوبينا كهربيا من خلال ولدها المشط أو البلاطه لكى تستطيع أنتاج

فولت عالى

3- التحكم فى زاوية تقديم وتأخير الشراره ( حسب ظروف المكنه من جهة الحراره

وخلافه )

طبعا التحكم فى الشراره بيكون كده فى المحركات الغير مزوده بوحدة تحكم زى ال

504

أما فى المحركات المزوده بوحدة تحكم

بتتلغى وظيفة التحكم فى وقت الشراره من الأسبراتير وبتوكل إلى وحدة التحكم نفسها

عزرا مره أخرى

ولكن وجب التنويه

إلى ضرورة تغييرك للأسبراتير أن أردة تحويل دورة الأشعال عندك

من نظام أبلاتين وكندنسر إلى نظام إلكترونى