|
مساعده... موتور رانجلر
السلام عليكم ورحمه الله وبركاته دلوقتي يا رجاله فيه واحد صاحبي جدا جدا جدا عايز يجيب عربيه حنينه في سعرها اخره ستاشر ولا سبعتاشر طبعا 123 ماليه الدنيا لكن انا بيني وبينكم مبحبش العربيات دي بتكون اتهلكت على الاخر وعدت على عمره واتنين وتلاته انا دايما بشوف ان الواحد لو هيركب قديم يبقى يركب عربيه عفيه وجامده دلوقتي وقع في ايدي حته رانجلر موديل 75 ومتعدله تسعينات ومتجنطه سبور دي صورتها http://classifieds.masrawy.com/image...0910416196.jpg طبعا مش اي حد يسوق الرانجلر ولا يتعود عليها ولا يحبها بس صاحبي دا حاببها ودا اللي شجعني اني اسالكم دلوقتي العربيه دي فيها مشكله عايزه موتور فأنا دلوقتي جاي أسألكم موتور الرانجلر عامل كام و تسقيطه هيتكلم كام صاحب العربيه عارضها على اتناشر ألف من غير الموتور طبعا هل السعر دا كويس ولا ينزل كمان شويه والموتور بكام وفين أفتوني في البيعه دي وياريت بسرعه بالله عليكم السلام عليكم ورحمه الله وبركاته |
رد: مساعده... موتور رانجلر
افضل موتور للعربية دى هو الفيات 132 2000 سى سى او موتور تويوتا ميكروباص......
او موتور مرسيدس 200 .................... بس خلاصصصصصصصصصصصصصصص....... ....... |
رد: مساعده... موتور رانجلر
ادفع 9بس وطلع على دمنهور حتلقى مواتير حلوه او طلع بورسعيد انا جيبت رينجلر2006بس جامده من بورسعيد روح حتلاقى حاجات احلى من العربيه ديه ولاو مصمم عليها هات المتور من هناك حتلاقى5
|
رد: مساعده... موتور رانجلر
فيه ميكانيكي في صقر قريش متخصص رانجلر و فاتحين جنبيه بتوع قطع غيار للاسف مش فاكر اسمه بالظبط .. لكن مينا بتاع الجيب معاه رقمه هابقي اجيبهولك منه
|
رد: مساعده... موتور رانجلر
برغم من أنها عربية قوية...
بس تفتكر موديل 75 و هتكون مافيهاش لحام واحد في الشاسيه؟ و لو قلنا الشاسيه سليم و زي الفل.... الكروسليه أخباره ايه؟؟؟ الأبواب... الشنطة... الكبوت... الخ... أخبار البارومة ايه؟؟ دول 35 سنة... أكيد يعني هيكون فبه بارومة.... ممكن تلاقيها محتاجة تغير حاجات كتير... و ساعتها مش هتتكلف موتور و بس... هتدخل في نصين استيراد.... يعني حوالي 20-25 ألف... + تمن العربية... هنقول 10-12 ألف... يعني المجموع حوالي 35 ألف... دا غير المصنعيات.... من الآخر... هتخشلك في 40 ألف.... ضيف كمان سعر الكاوتش.... و دا هيخشله على الأقل في 2500 جنيه... و هي بتتباع موديل تسعينات و بحالة ممتازة و ب40.... يبقا على ايه بأة؟؟ الحالة الوحيدة اللي تشتري فيها رخيص... لما تلاقي رانجلر كل حاجة فيها سليمة (من أساسيات) و محتاجة شوية سمكرة... أو حتى عمرة موتور... ساعتها ممكن تعمر أو تجيب استيراد.... و هتكون تستاهل.... |
| الساعة الآن 03:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017