سيارات كلها مشاكل وتوكيل معفن
 

كنت ناوى اشتريها بس اصبحت بشفق على اصحابها من رحلات البحث عن مساعدين وتيل فرامل ايه الذل ده العربيه ممتازة فى السرعه استهلاك بنزين بشع مش فاهم ايه السبب؟.... قطع الغيار رديئه جدا وتوجد بها مشاكل ........ التوكيل معفن مش فاهم حاجه....ولصوص فى الاسعار........قلبى معاكم ......ونه لله جهاز حمايه المستهلك لانه لو موجود ما كانش ده كله حصل

رد: سيارات كلها مشاكل وتوكيل معفن
 

وادى الدليل واحكم بنفسك فى اللينك ده
http://www.**********.net/Nile/45257-a.html

رد: سيارات كلها مشاكل وتوكيل معفن
 

هوا اولا اللينك مش شغال

وبما اني من ملاك بروتون فأقدر افيدك بمعلومات صحيحة و موثقة .

اولا التوكيل له مشاكل و عيوب زي كل توكيلات مصر المعروفة ( غبور ابو غالي الطارق مصرية السبع ) و كلن يبكي علي ليلاه .. احنا في أم الدنيا .

ثانيا قطع الغيار موجودة و لا رحلات بحث ولا يحزنون :) لو تحب تشتري من برة التوكيل .. فقطع الغيار متوفرة في شارع دمشق في القاهرة و صلاح الدين في اسكندرية و دول اللي عرفت ناس اتعاملت معاهم و لو محتاج حاجة قولي و ممكن اقولك اسامي المحلات :)

اما بالنسبة لتيل الفرامل ده بقي بالذات عندك انواع كتير جدا :) و اسعارها بداية من 80 جنيه مصري و حتي 800 جنيه ألماني :) انا مش عارف حكمك وكلامك ده بناء علي ايه بالظبط و تقريبا انت مركبتش او ما امتلكتش بروتون قبل كده :)

المساعدين موجودين :) لو مش عايز تركب بتوعها ممكن تركب مساعدين كريستالة لانسر :)

فيه حاجة تانية محتاجها في العربية اساعدك فيها ؟

لو رأيك في التوكيل زي ما بتقول في العنوان انت حر :) ماعرفش اتعاملت معاه ولا لا و واجهت مشكلة تخليك تقول كدة ولا لا .. و اتعاملت مع توكيلات تانية ولا لا ..

لكن تقول عربيات كلها مشاكل .. دي نقطة مش حقيقية :) اكيد انت مركبتش كل عربيات بروتون اللي نزلت السوق عشان تقول الكلام ده .

اعتقد ان ردي موضوعي .. و موضوعك غير منقطي بالمرة :)

AHLNWSHALN

رد: سيارات كلها مشاكل وتوكيل معفن
 

استاذى الفاضل من خلال المداخلات على الموقع هنا ونيل موتورز اتعقدت من العربيه بصراحه وحضرتك بتقول الحاجات متوفرة كل التعليقات اللى شوفتها حسيت ان انت وحظك ثانيا واضح ان التوكيل بيجيب قطع غيار مضروبه انا عاوز اجيب العربيه بس مش عاوز اجرى كل شويه على التوكيل لانى مش عندى وقت لده وده عنوان اللينك بتاع المشاكل اللى عقدنى فيها
http://www.**********.net/Nile/45257-a.html
على نايل موتورز

رد: سيارات كلها مشاكل وتوكيل معفن
 

وده موضوع تانى يحسسك بمرارة ومغامرة رحله البحث عن قطع غيار وبدايل
<TABLE border=0 cellSpacing=0 cellPadding=0 width="100%"><TBODY><TR>< TD>بديل قطع غيار بروتون لسيارات بروتون<!-- google_ad_section_end -->
</TD><TD>رابط المشاركة
</TD></TR></TBODY></TABLE>
<TABLE border=0 cellSpacing=0 cellPadding=0 width="100%"><TBODY><TR>< TD>بديل قطع غيار بروتون لسيارات بروتون<!-- google_ad_section_end -->
</TD><TD>رابط المشاركة
</TD></TR></TBODY></TABLE>
1-بديل قطع غيار بروتون لسيارات بروتون<!-- google_ad_section_end -->
2-مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)
ابحث على جوجل هتلاقى المواضيع دى فى نايل موتورز
يبقى ازاى متوفرة