مصر موتورز مجتمع السيارات - مشكلتين

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - مشكلتين _ لكل متخصصي الفيات 128 !! (https://www.masrmotors.com/vb/showthread.php?t=108915)

مشكلتين _ لكل متخصصي الفيات 128 !!

السلام عليكم يا شباب
عندي كام مشكله واتمنى حد يساعدني

المشكله الاولى - عندي في الحوض شروخ او كسور على حسب ما قالي العفشجي وقالي المكنه لازم تتطلع مش عارف الموضوع ده هيتكلف قد اييه المهم انا معايا 1000 جنيه ومش عارف هتكفي ولا لاء .. وده نتيجه ان المساعدين عندي في ( بعض ) المطبات والنقر العربيه بترزع من قدام .. ايه رايكو اجيب اربع مساعدين الماني احسن وبعدين لما ربنا يفرجها ابقى اظبط الشروخ والكسور .. ولا اسيب المساعدين دلوقتي واعمل الكسور الاول ؟؟؟ وياريت يا جماعه صوره للمساعدين الالماني دول ( صوره العلبه ) علشان ميتضحكش عليا .. وهل ينفع زي مَـ واحد قالي مساعدين الاوبل كورسا بيتركبوا في ال 128 بتعديل بسيط مكان البطاحات ؟؟

المشكله الثانيه - المكنه عندي خفيفه ( على كلام اكتر من ميكانيكي ) بس يتمشى بيها
لحد ما بدات اسمع صوت ( خلاط - كراكه - عربيه جااز ) في المكنه لما بدوس بنزين
ف رحت لميكانيكي قالي ده في بستم خفيف .. الموضوع ده مينفعش يتحل بدون عطله كبيره وباقل مصاريف بدون الدخول في عمره كامله ؟؟

رد: مشكلتين _ لكل متخصصي الفيات 128 !!

استاذ سليمان بالنسبة لموضوع انك تعمل الشروخ من غير متغير مساعدين يبقى كانك معملتش حاجة لانها هترجع تفتح تانى انت ال1000 تكفى تعمل شروخ الحوض وتجيب جوز مساعدين المانى امامى مونرو بيعمل حوالى 400 جنيه والشروخ هتتكلف حوالى 500 وده عن تجربة فى موضوع لم الشروخ انما المساعدين انا لما جيت اجيبهم العفشجى قالى هات صينى درجة اولى ب260 ومش هيفرق كتير عن المونرو لان فيه منه كتير بقى مضروب دلوقتى
بالنسبة للمشكلة التانية انا متابع معاك اراء اخوانا لانى بصراحة ممرتش بيها قبل كدة وانا مبحبش ارد الا عن تجربة شخصية

وانشاء الله يكون خير
تقبل تحياتى

رد: مشكلتين _ لكل متخصصي الفيات 128 !!

متشكر جدا يا فندم على اهتمام حضرتك وردك
zamanan2000 :140109~347:
وبالنسبه لموضوع مساعدين الاوبل كورسا هل عند حضرتك معلومات عن انها بتركب عندنا ؟

رد: مشكلتين _ لكل متخصصي الفيات 128 !!

فعلا كلام الأستاذ / zamanan2000 صح 100%
انا لسة معالج الشروخ عند السمكرى
بس انت هتحل الموتور و يستحسن تحل التابلوه كمان علشان الشروخات اللى بتظهر جنب القوايم مع إحتمالية حل الرفرفين الأمامى
و يبقى اللحام تمااااااااااام و طبعا تجيب المساعدين
نصيحة صلح الشروخات بطريقة انك ما تسيبش حاجة ممكن تفتح تانى جامد فى المكان ده
و ماتركبش شداد

رد: مشكلتين _ لكل متخصصي الفيات 128 !!

شكرا لردك يا استاذ ميدو
ومنتظر رد بقية الاعضاء في موضوع المساعدين والمكنه