باركولي انا بفيت لوجاني امبارح
الحمد لله بعد طول بحث اشتريت امبارح لوجان فول اوبشن بلاكلاين من المصريه طبعاً تقسيط بس انشاء الله فترة زنقه وتعدي ......:THUMBS~220:. وبعد ماشتريت ومضيت الشيكات ومشيت حصلي موقف رخم اوي اكتشفت اني نسيت اخد منهم محضر استلام العربية لفيت ورجعتلهم اخدت المحضر ابوص عالعربية الاقي طاسة من الطاسات وقعت اموت واعرف فين مش عارف بجد اتعكننت اوي:sd: المهم بجد العربية الحمدلله كويسه وناعمة عالطريقوالعفشة كويسه اوي فيه برده بالمناسبه خدعة رخمه جداً وهي الكود بتاع الكاسيت الواد بتاع المبيعات كان قالي هديهولك لما جيت استلم قالي لا ده بتاخده من التوكيل بيقعد كل ثانيتين يقطع لحد مادخله الكود ............... دلوقتي عاوز ارخص يوم الاربعاء أو الخميس بس بيقولولي المرور احتمال اجازة ليسا مش عارف بقا ايه النظام العربية في الجراج ولا بعمل بيها حاجه ربنا يسهل بقا ............سؤال بقا للخبراء في اللوحان انا مشيت حوالي 40 كم لحد ماروحت بس شميت ريحة شياط خفيفه فتحت الكبوت مالقتش ريحة تفتكروا ده ايه!!!!
|
رد: باركولي انا بفيت لوجاني امبارح
الف مبروك الاول
شئ طبيعى جدا ريحه الشياط دى متقلقش دى اول 100 كيلو بس |
رد: باركولي انا بفيت لوجاني امبارح
الف مبروك ROSE4U
بس ازاى ريحة الشياط بتبقى طبيعى :12422A~17: |
رد: باركولي انا بفيت لوجاني امبارح
الف مبروووك وربنا يديك خيرها ويكفيك شرها ومتزعلش على الطاسه انا الطاسات والعلامه اللى واره بكلمة لوجان ورينو اتسرقوا والحمد الله ربنا ينتقم من اللى خدهم
شوفت اللى يشوف بلوت غيره تهون عليه بلوته هههههه |
رد: باركولي انا بفيت لوجاني امبارح
اقتباس:
|
الساعة الآن 10:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017