|
حادثة لوجان في اسكندرية
http://www.youtube.com/watch?v=vWjuJ...feature=g-hist
الحمد لله ربنا سترها العربية اتقلبت بينا ودخلت في عامود نور واتكسر واللي خفف الصدمة ان احنا كنا سبعة في العربية كلنا بخير الحمد لله دلوقتي صاحب العربية وصديقنا تاني كان عندهم كسر في الحوض وانا اخدت حوالي عشر غرز في رأسي الحادثة حصلت عند مينا الدخيلة يوم 19/9/2012 الساعة 12 م صاحب العربية قرر انه يصلح العربية عشان لما حبينا نبيعها اتقال لنا اعلى رقم 20000 والعربية موديل 2012 ومكملتش سنة معاه ولسة معملهاش صيانة الـ 10000 حتى المهم هو ابتدا في تصليحها .. عايز اسألكو دلوقتي العربية هترجع لحالتها الاولي ولا هيكون فيها مشاكل في الاتزان فيما بعد وربنا يبعد عنكم شر الحوادث . |
رد: حادثة لوجان في اسكندرية
الحمد لله على سلمتكم جميعا
وربنا يعوض عليه بصراحه انا رائى أنه يبيع على كده وربنا يعوضه بأحسن منها لأنه أكيد هيصرف عليها كثير |
رد: حادثة لوجان في اسكندرية
قدر اللة وما شاء فعل
حمد اللة بالسلامة انصحك بلاش تصلح هيتصرف عليها كتير وطالما اتلعب في القايم والسقف عمر العربية ما هتتعدل معاك وهتحدف منك ربنا يوفقك للي فية الخير |
رد: حادثة لوجان في اسكندرية
الف حمد الله على السلامة
الحمد لله ان ربنا نجاكوا من الحادثة العربية مبدئيا هتحتاج سقف بالقوائم , ربع خلفى شمال علشان يقص منه الرفرف , بابين شمال المشكلة الاكبر هى الخبطة اللى داخلة لجوه من ناحية الباب الشمال الامامى ودى شكلها مطبعة جامد فى الشاسية وردها واستعدالها مش هيكون على المستوى المطلوب الرفرف الشمال ممكن يتسمكر والباب الامامى يمين ممكن يتسمكر بالاضافة الى اى حاجة تلفت اخرى زى الزجاج , اى حاجة فى الكهربا الخلاصة ان كل ده هيتكف مبلغ وقدره ولو قلنا تكلفة مبدئية من 15 الى 20 الف يبقى العربية كده واقفه على صاحبها ب35 الى 40 الف واعتقد لو اتباعت مش هجيب اكتر من كده يبقى بيعها افضل وربنا يعوض عليه بأفضل منها |
رد: حادثة لوجان في اسكندرية
الحمد لله
قدر الله ماشاء فعل :shyy: شفت الفيديو الموتور شكله سليم ممكن تبيعها قطع غيار وبعدين اصلاحها هيكلف كتيييير:shyy: |
| الساعة الآن 09:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017