سؤال هام الي الاستاذ حازم خضر وارجو سرعة الرد
 

انا يا استاذ حازم معاية عربية سوزكي سوفت 1994 والفرامل بتاعتها خفيفة يعني من بعد ال 80 كيلو الفرامل بتوقف العربية بصعوبة جدا(يعني لازم اركب فوق الفرامل عشان توقف)هو دة عيب في كل السوفت ولا عربيتي بس معلش اصل انا لسة شريها قريب وعملت زي محضرتك قولت جيبت ريداتر نحاس 3 ماسورة والتبريد بقي زي الفل بس هو جوة البلد مؤشر الححرارة بيعلم علي النص ويثبت عند كدة ولا يزيد اعتقد دة طبيعي صح ومعلش سؤال كمان هي العربية خشنة شوية في المطبات مع اني مركب جنوط اسبور دة عادي ولا اية انما في المشي ناعمة وزي الفل نحمد اللة والف شكر ليك يا كبير علي مجهود معانا وانا جبت العربية دي واللة بعد ما قرات كلامك عنها وعرفت عنها كل حاجة من مواضيعك

رد: سؤال هام الي الاستاذ حازم خضر وارجو سرعة الرد
 

شكرا ليك يا ابو يمني علي كلامك و اسف علي ردي المتأخر اوي
بس فعلا انا اول مره اخد بالي من الموضوع حالا
و كان بقالي فتره ما دخلتش المنتدي لظروف خارجه عن ارادتي.
بالنسبه للفرامل من كلامك واضح ان ماستر الفرامل وحش
لو الجلد بتاعه وحش حتلاقيه بيدخل زيت الباكم علي الدواسه و الزيت بينقص بسرعه.
انما لو الجلد سليم ما تجيبش طقم اصلا و اشتري ماستر استعمال علي تجربه
دا اضل لان طقم الاصلاح و كده بعتبرها مسكنات غير كده دي فرامل يعني ارواح يعني
ما ينفعش فيها قطعه غيار مغشوشه.
او
ممكن يكون الطنابير الخلفيه عندك وحشه و التيل تعبان و دا بيخليك توصل لنهايه البدال
خلي الميكانيكي يرجلش علي التيل لو قالك الطنابير وحشه
اشتري طنبورتين جدااااااد مش استعمال الواحده ب 175 جنيه و طقم تيل و انسي الفرامل دي خالص.
و اوعي تسمع كلامه لو قالك نخرط الطنابير و نركب تيل
خرط الطنابير و تزويد التيل يعني سخونه زياده في الطنبوره
يعني الشحم اللي علي البلي يسيح يعني البليه تفرط
و يبقي دخلت في دوامات مالهاش لازمه علشان توفر مبلغ كده كده حيتصرف.
السويفت كانت عندي كده و العيب في الطنابير
و كنت حغيرها بس انا قليل لما بستعمل الفرامل
و قولت اغيرها قبل ما ابيع بس الصراحه قولت 400 جنيه انا اولي بيهم
و اللي حيشتري مش حيقدر اللي انا عامله

رد: سؤال هام الي الاستاذ حازم خضر وارجو سرعة الرد
 

رد: سؤال هام الي الاستاذ حازم خضر وارجو سرعة الرد
 

لا الماستر بيركب علي السيرفو
بيبقي عباره عن عامود طالع من السيرفو و مهمتخ انه بيوصل الزيت لاجزاء الفرامل

رد: سؤال هام الي الاستاذ حازم خضر وارجو سرعة الرد
 

و ايه سبب تخجير دواسة الفرامل تحت رجلك لأنى احترت ..... سيرفو و لا ماستر و لا خاجة تانية 1؟