محتار اسقط موتور 1500 مازدا 323 ولا موتور 1300 برايد
 

بسم الله الرحمن الرحيم
انا ان شاء الله داخل على مرحلة تغيير موتور لعربيتى البرايد سيدان .. ومحتار اركبلها ماتورها الاصلى الـ 1300 بتكييف ,ولا اسقطلها موتور مازدا 323 الـ 1500 بتكييف
طبعا هوة ال 1500 مازدا احسن من حيث انوا موتور يابانى بيستحمل وبيعيش وكمان التكييف حيشتغل عليه كويس جدا
بس انا متردد بسبب كذا حاجة ( فرق استهلاك البنزين بين الـ 1300 و الـ 1500 / هل الموتور الـ 1500 ينفع يترخص فى المرور عادى على عربيتى البرايد وخصوصا انى داخل على نقل ملكية / اسعار قطع غيار موتور المازدا الـ 1500 / هل حيكون فى مشاكل فى العربية بعد اما غيرلها موتور سعته اعلى / فرق الموديل للموتور لان موتور المازدا الـ 1500 اخر سنة اتصنع فيها كانت 1988 اما موتور البرايد الـ 1300 موجود منوا لحد سنة 2004 وطبعا دة فرق عمر افتراضى كبير بين الموتورين وفرق تكنولوجيا الموتور حتكون لصالح البرايد اكيد وكمان نسبة انى الاقى موتور مازدا كويس بعد 30 سنة تصنيع معتقدتش حتكون كبيرة)

وهل الفرق بين الموتور الـ 1300 برايد والـ 1500 مازدا يستحق المغامرة انى اسقط موتور المازدا ولا اخلينى فى الامان واسقط موتور برايد بتاعها وكده كده الفرق مش كبير

افيدونى يا اهل الخبرة ,جزاكم الله خير

رد: محتار اسقط موتور 1500 مازدا 323 ولا موتور 1300 برايد
 

والله فعلا حاجة تحير

رد: محتار اسقط موتور 1500 مازدا 323 ولا موتور 1300 برايد
 

ارجوا انك ترجع لتجارب ناس كتير لان اللى شوفته قبل انك ممكن تتورط فى تغيير حاجات كتير فى العفشه

ده رأيى ونقاش أقنعنى و أقنعك
 

اساسا ماتور المازدا ناقص فى السوق وكل اللى عنده حته كويسة هيديهالك بأعلى سعر مكنة غول بنزين لو مش مظبوطة كاتينة حديد وحاجتها مبقتش يابانى هتعذبك
طبعا هات مكنتك او دور على حاجة تانية تكون نفس الأبعاد
هل انت سألت على مكنة الأكسنت او الفيرنا تنفع ولا لأ

مش معاك طبعا انك تحط مكنة 88 على عربية 2000 البرايد بتنزل لسه من شركة سيبا الهندية مكنة المازدا هتعدى ال 4000 دلوقتى
هى المكنة اللى عندك اه المشكلة فيها ؟؟؟

رد: محتار اسقط موتور 1500 مازدا 323 ولا موتور 1300 برايد
 

اعتقد ان حكاية تغيير الموتور لمازدا هيقلل من سعر العربيه.انا شخصيا مش ممكن اشتري عربية برايد بموتور مازدا .ده لو افترضنا ان شاسيه البرايد هيستحمل مكنة المازدا.اعتقد انك تسقط مكنة البرايد احسن .