مصر موتورز مجتمع السيارات - استفسار بخصوص المساعدين الخلفى للبرايد

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - استفسار بخصوص المساعدين الخلفى للبرايد (https://www.masrmotors.com/vb/showthread.php?t=71376)

M_Patriot

05-11-2011 05:46 PM

استفسار بخصوص المساعدين الخلفى للبرايد

يا جماعة أنا معايا برايد سيدان 1300 سى سى موديل 99 غيرتلها المساعدين الخلفى من 5 شهور جبت مساعدين kyp يابانى كانوا ساعتها ب525 جنيه بعد ماركبتهم العربية كويسة و انا راكبها لوحدى بس لما بتكون مليانة (5 افراد) العربية بتبقى مش مستقرة خالص و مع فواصل الكبارى او لما الطريق فى حته واطيه شويه بلاقى العربية بتتنطط زى ماكون راكب جمل الموضوع استمر فترة و بعدين بدأت احس انه زاد روحت للعفشجى لقيت مساعد ضرب اشترتلها فردة كورى و لسه مركبها من اسبوع و لسه برده الوضع زى ما هو
ياريت لو حد يقدر يفيدنى فى الموضوع ده
و شكراً مقدماً

AbOnOrA

05-11-2011 06:11 PM

رد: استفسار بخصوص المساعدين الخلفى للبرايد

اولا موضوع ان مساعد يضرب بالسرعة ديه يخض شوية
وده يخلينا ندور على باقى منظومة التعليق وحالتها خاصة ان العربيه مو 99
اعتقد السوست كمان الخلفية محتاجة تتغير لان السوست لو تعبانة ممكن تجيب اجل المساعد اسرع

كمان انا عندى شك تكون العربيه واخدة حادثة جامدة من ورا خلفت مقاساتها ، فهل ده وارد ؟؟
يعنى حضرتك اول يد ولا شاريها من حد وهل كانت قبل كده مظبوطة ولا الوضع ده جد فجاءه ؟؟
هل حضرتك ظبت زوايا بعد مرتين التركيب ؟

لان لو فيه شك فى حاجة زى كده يبقى نشوف الاول مشاكل البودى والشاسية قبل العفشة
.
فى انتظار اجاباتك وان شاء الله بسيطة

M_Patriot

06-11-2011 03:33 AM

رد: استفسار بخصوص المساعدين الخلفى للبرايد

الأستاذ أبو نورا أولاً شكراً على سرعة الرد و كل سنة و انت طيب و كل اعضاء المنتدى الكرام
بالنسبة للبودى والشاسيه انا مش اول يد بس لما اشتريتها رفعتها فى بنزينة بس الشاسيه مكانش فيه اى مشاكل و العربية فابريكه جوه يعنى غالباً معملتش حوادث جامدة و الوضع ده ظهر بعد ما اشتريتها بفترة بسيطة يعنى تقريباً 3 شهور
لما غيرت المساعدين اول مرة عملت ظبط زوايا كانت ورا مظبوطة و قدام كان فيه فرق خفيف اوى و الفنى قالى لو مش عاملك قلق و انت ماشى بيها كمل بيها كدة

الساعة الآن 12:53 AM.