|
اعطال كنترول لانوس
عندى سياره لانوس موديل 2006 يتصاعد دخان من الشكمان ذهبت الى مركز صيانه وتم تغير حساس شكمان وبعد الكشف بالكمبيوتر افادوا ان العطل فى الكنترول لايقوم بالتعرف على حساس الشكمان وسبق تغيير هذا الكنترول ----ماهو الحل ؟ هل يوجد اصلاح لهذا الكنترول--او شراء كنترول جديد موديل vm وسعره مرتفع جدااااا فى التوكيل حيث لايوجد مستعمل من هذا الموديل ارجوا من المختصين الرد والله المستعان
|
رد: اعطال كنترول لانوس
]فى ناس متخصصين فى صيانة الكنترول من الداخل .
لو انت قريب من الحرفيين فى واحد هناك اسمه ( عساكر ) وواحد تانى فى نفس المربع بس انا مش فاكر الاسم مظبوط انت لو رحت الحرفيين وسالت هتلاقى ناس يدلوك عليهم وفى واحد اسمة احمد الشرقاوى بلاش تتعامل معاه ================== الكنترول عبارة عن مجموعه اى سيهات يعنى الاول هيتم الكشف على الكنترول بالجهاذ وبعيدن هيفك الكنترول ويقيس الاى سيهات بالافوميتر ولو فى اى سى محروق هيغيرة المهم الكلام دة كله يبقى قدام عينك ================== هل جربت تغير الحساس يمكن العيب منه اصل الكنترول صعب انه يبوظ ولو باظ بيبقى مدى بيانات كتير غلط وساعات فى ناس بتستسهل او معندهاش خبرة فيقولك العيب من الكنترول وروح غيرة انا حصل معانا نفس الموقف وكنا هندبس فى كنترول والحمد لله فى واحد ابن حلال فى اسماعيلية عندنا تخصص فى مشاكل الكنترول وكشف الاعطال هو الى عرف العطل فى رغم ان العطل تخصص ميكانيكى مش بتاع كهرباء واعطال كمبيوتر |
رد: اعطال كنترول لانوس
الكنترول مبيبوظش كده لوحده
هل العربية مستعملة ؟ هل عارف نبذة تاريخية عن قبل المشكلة ؟ ايه اللى حصل و ابتدت تظهر المشكلة و تخليك تغير كنترول قبل كده ؟ هل ملعوب فى الضفيرة ؟ هل فى مياه وقعت فى ارضية الصالون و جت على الكنترول ؟ |
رد: اعطال كنترول لانوس
متشكرين للزملاء على الرد وافيدكم بالاتى السياره موديل 2006 وسبق تغيير الكنترول منذ عامين وكان السبب عدم دوارة السيارة وتم تغيير الكنترول فى التوكيل بطنطا فى هذا العطل تم تشخيص حساس شكمان بواسطة كومبيوتر بمركز صيانه وتم تغييره بواحد جديد وتم استعمال الكومبيوتر مره اخرى وكتب العطل حساس شكمان بالرغم من تغييره قام مهندس الصيانه بتغيير الكنترول وبدأ قراءة بيانات الكومبيوتر تفيد ان حساس الشكمان سليم وان العطل فى كنترول السياره ومطلوب تغييره
قمت بالبحث عن كنترول مستعمل من موديل vm ولم اجده والجديد غالى وفى التوكيل فقط فرجاء الافاده عن امكانيه صيانة الكنترول او اماكن شراء مستعمل او ماهو الحل |
رد: اعطال كنترول لانوس
كان الله فى عونك
معلش انا شاكك فى ضفيرة الكنترول لان صعب جدا 2 كنترول يبوظوا كده اكيد فى مشكلة فى الضفيرة نصيحة قبل ما تركب الكنترول التالت اكشف كويس على الضفيرة بدل ما الكنترول التالت يبوظ هو كمان |
| الساعة الآن 07:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017