مصر موتورز مجتمع السيارات - الفكرة الجديدة وصلت (العربية المدرعة الجزء الثانى)

السلام عليكم ورحمة الله وبركاته

ورجعتلكو تانى بالفكرة الجامدة الى قولتلكو عليها :-

كان كل الناس اشتكت ان الحوار القديم دا كان هيتقل العربية ويخليها تدمر من الخبطات الجامدة وكدا وكمان استغربت ليه كل العربيات الحديثة عاملة من الفيبر اكيد مش هيضحو بالامان علشان الوزن الخفيف والسرعة علشان كدا فكرت بالاتى :-

1- هنجيب مجموعة من اليايات (السوست) ولكن شكلها هيبقى مختلف شوية هتبقى عبارة عن شكلين مخروطين متقابلين بحيت ان الاطراف تكون قطرها كبير ويصغر حتى يصل الى المنتصف وتكون الاطراف ذات القطر الاكبر قاسية بعض الشى و تكون لينة عند المنتصف..حولت ارفع صورة بس للاسف مش عايزة تجيى معايا .

2- تعرفو المساعد الى بيركب فى شنطة الميكروباصات .. المساعد الصغير دا هنجيب مجموعة.

3- هنركب 2 يايات عند اطراف الرفرف وتثبتها من كلا الجانبين بمسامير او سليكون او اى طريقة مناسبة .

4- فى وسط الرفرف تماما سيتم تركيب مساعد او اثنين حسب راى الخبراء (للحد من امتصاص الصدمة ) خلينا فى مساعد واحد فى الوسط ويوجد حواليه سوستة قاسية ترتد بقوة .

5- هنطبق الكلام دا على 4 رفارف و بالنسبة للابواب لم اجد حلا سوى ان اضع قطعة الومنيوم قبل الزجاج وتكون مربو بطرفى الباب واضع مجموعة من نفس اليايات على التوالى.

6- سيتم بالاحتفاظ بنفس الافكار بالنسبة لصدر السيارة والقوائم والاكصدامات الامامية والخلفية .

**فك الاكصدام والشبكة وبعدين نجيب حديدة بنفس طول الاكصدام ومحاولة تنيها لتاخذ شكل قوس خفيف وتربط مع البودى بتاع العربية وعلى نفس المستوى نرتفع قليلا ونربط حديدة تانية مقوسة وتمر قدام الردادتير ولو مفيش مساحة (فى فكرة تانية عارف الحديدة الى بيربطو بيها الركب بتاعت العربية علشان الثبات الى موجودة جوا الحوض بتاع العربية وكدا هنركبها وهتكون بشكل عرضى نقوم نجيب حديدة وهنركبها راسى وهتكون محطوطة كالاتى : احدى الاطراف مربوط فى وش العربية عند الحتة الى فيها قفل الكابوت وتكون على شكل دائرة او كلابش ويكون مربوط فى النص بالظبط والجهة الثانية تكون مربوطة فى الحديدة بتاعت الركب على نفس شكل دائرة او كلابش وتكون مقوسة فى اتجاه الكبوت اوتاخذ نفس الانحناء للكبوت __هشرح الحتة دى بعدين للى مفهمهاش.

** لا ننسى القوائم : نحضر عمودين اطول من القائم بقليل ونقوم بثنيه على شكل قوس خفيف ونثبته فى السيارة احدى الاطراف فى السقف والاخر فى العتب (يمكن تغير المادة المستخدمة الى هيا الحديد الى الفولاذ او الياف الكربون وكل ذلك يرجع للتكلفة ).

** الرصيف .... الرصيف..الرصيف علشان نحل المشكة دى خالص هنركب بطول صدر العربية نفس الحديد المقوس الصليبة ولكن كنت بفكر اضيف اضافة صغيرة قوى انى اركب سوستة من الحديد المقوى فى المنتصف الصدر تمام يمكن ان تكون طوبلة او مجموعة سوست على التوازى وتكون صغيرة وذلك لامتصاص الصدمة مع حساب ان لكل فعل رد فعل )و بعد كدا هتاخد اى بلاعة تحتيك او طوبة من غير ما يهمك .

[warning]هتقولوى ايه الجديد يعنى وبعدين دا هياثر على العربية ازاى هقولوكم : دلوقتى بعد ماشوفت الكرش تيست للادا والفولفو القديم اجد ان تاثير الصدمة بيسمع فى العربية كلها زى ما قال بعض الاعضاء الكرام وبرؤية نفس الصدمة فى الكرش تيست بتاع عربيات تانية زى الفيرنا و اللانوس والعربيات الفيبر لقيت جسم العربية بيمتص جزء كبير من الصدمة ولذلك قررت الاهتمام بالمرونة اكثر من الصلابة لان المرونة افضل بكتير فى الخبطات الجامدة ولو العربية اتقلبت ....

اليايات فيدتها بتمتص الصدمة على قدر الامكان ومحاولة عكس اتجاه القوة وبالتالى محاولة الحفاظ على البادى بقدر الامكان والمساعد كلنا عارفين فيدتو انو هيصعب دخول الرفرف فى السيارة وفى نفس الوقت هيزود المقاومة وهيمتص الصدمة بقد الامكان[/warning]

[caution]خلى بالكو انا لسة عندى 3 افكار كمان بخصوص تحصين السيارة بس لسة بعمل تطوير للافكار وان شاء الله بمساعدة اعضاء المنتدى ونشاطهم معايا هقدر اوصل للافكار دى بسرعة ... مستنى التثبيت[/caution]
[IMG]file:///C:/Users/HERO/Desktop/Untitled.jpg[/IMG]