مصر موتورز مجتمع السيارات - استفسار بخصوص سيارات المعاقين

أحاول أجاوب حضرتك ولكن أسألتك متادخلة جدا// نحاول

الظاهر حضرتك عاوز تجيب السيارة بأسم قريبتك. طبعا هذا ممكن ولكن خد بالك العربية هتفضل بأسم قريبتك ولازم تتعلم السواقة وطلع رخصة قيادة لان بالنسبة للقانون الخاص بسيارات المعاقين يجب أن يستخرج المعاق رخصة قيادة قبل السماح بإستخراج رخصة السيارة. ورخصة السيارة بيكون مكتوب عليها ( سيارة مجهزة لا يقودها إلا مالكها) طبعا الوضع دة بيفضل لمدة ثلاث سنوات ولو كنت سايق العربية وحد من المرور وقفك وشاف رخصك ممكن يسحب العربية منك لمخالفة الشرط دة.... بعد مرور الثلاث سنوات ممكن تعمل تصالح مع المرور بقيمة 10 الاف جنية وتفك الحظر عن العربية وتبعها قريبتك ليك. لو حسبت المبلغ اللى هتصرفة حتى تكون العربية ملكك هتلاقى حضرتك خسران لان العربيات دى بتكون فرق السعر عن السوق المصرى بين 15 إلى 18 الف بالكتير على حسب العربية...

طبعا لازم تاخد ميكانيكى ولازم يكون ميكانيكى ثقة علشان يختار لك عربية صح. فى عربيات بتكون شكلها ممتاز ولكن بتكون عاملة حادثة وملحومة ومدهونة. وكمان لازم تاخد قريبتك معاك وطبعا عربية خاصة علشان تلفوا فى المخازن الثلاثة الموجودة هناك...

للانوس بتكون بين 1997 وحتى 2002 طبعا لو وصيت التاجر ممكن يجيب لك عربية احدث ولكن هتكون أغلى. العربيات اللانوس بين 1997 وحتى 2002 بيكون ثمنها بين 17 الف وحتى 23 الف...

بعد ما تستلم العربية لازم طبعا تحط لها بنزين لان التاجر يدوبك يحط لك لتر ولا أثنين. والاحسن تزود ماية وتغير زيت الماتور لو معاك فلوس. العربية بيكون فيها الماية والزيت ولترين بنزين لمجرد يحركك. طبعا بعد ما توصل بلدك بالسلامة هتعمل على العربية صيانة شاملة فى حدود 1000 جنية علشان تكون مطمئن انك راكب عربية مضبوطة..

بالتوفيق ويهديك ربنا للصالح....