مصر موتورز مجتمع السيارات - العربية سخنت أنا خايف جدأومش عارف أعمل أية برجاء المساعدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

العربية سخنت أنا خايف جدأومش عارف أعمل أية برجاء المساعدة

السلام عليكم ورحمة الله
الحكاية هى أن العربية سخنت منى ووصلت لغاية الأحمر روحت مبطل التكيف راحت الحرارة ابتدت تنزل روحت للميكانيكى راح غير طرمبة المية علشان كانت بتنقط قولت أروح لميكانيكى تانى علشان اطمن روحت لواحد تانى فك البوجيهات لقى فى صدا على الشمعة وقالى دا جوان وش سلندر بصراحة انا اتخضيت روحت مغير البوجيهات وقلت يمكن البوجيهات هى الينوعها وحش وركبت غيرها لقيت العربية صوتها هدى وحسيت أنها أظبتط روحت لميكانيكى تالت قالى لوالشمكان بينزل مية لما بتزود يبقى وش أو فى مية على الزيت أو زيت على المية الحمد لله مفيش مية على الزيت أو زيت على المية بس POLICEEالشكمان بيترتش مية بس مش كتير يعنى ميش بتدلق مية لا بترش معنى دة اية ياريت حد يرد عليا ولكم جزيل الشكر
أه العربية لادا سمارا 2007

رد: أنا خايف جدأومش عارف أعمل أية برجاء المساعدة

السلام عليكم

السؤال المهم: العربية بطلت تسخن ولا لسة؟ لو بطلت بطل أنت كمان تفتح على نفسك فواتيح مع الميكانيكية اللى عايزين شغل وبس. المية من الشكمان ممكن تكون "تعريق" والمكنة عندك زى الفل.

رد: أنا خايف جدأومش عارف أعمل أية برجاء المساعدة

متقلقش يا جميل الميه من الشكمان مفيش فيها اي مشاكل ومتخليش حد يفتح عليك فاتحه ملهاش لازمه

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة Bahi (المشاركة 269406)

الحمد لله العربية بطلت تسخن بس هو بيقول انها لو بتنقط يبقى طبيعى أما لو بترش هو دا اليمش طبيعى

رد: أنا خايف جدأومش عارف أعمل أية برجاء المساعدة

لأ طبيعى جدا أنها تنقط أو ترش تعريق مية. المية فى حد ذاتها مش مشكلة طريقة خروج المية رش دة مجرد ضبط موتور. دة رأيى -والله أعلم- وعلى العموم أستنى شوية حتلاقى كتير أكثر من خبرة يردوا عليك ان شاء الله.