تروسيكل اتقلب على عربيتى
 

ده تروسكل اتقلب على العربيه طيرلى المرايه ودخل الباب لجوه والرفرف زيه والاشاره اتكسرت والفانوس معش بيركب مكانه حواليه حاجت بلاستك كده طارت والاكصدام اتكحت
عايزه اعرف اعمل فيها ايه انا روحت شركه مصر للتامين اللى مامنه فيها قالى اخترى وديها التوكيل او بره باحتك ونبعت واحد معاكى يعين ويشوف التكلفه كام ولما تتصلح يستلمها معايا بردوا وبعدين يدونى الفلوس السؤال بقى الباب ده هيتغير خالص ولا هيترد واللون هيعرفوا يجبوه صح ولا هيبقى باين بيقولولى بيعملوا الالوان بالكمبيوتر معرفش ازاى ياعنى وحد يعرف هى تقريبا كده لو غيرت باب ومرايه كهربا ورفرف وظبطلى الفانوس ورشلى الاكصدام ممكن تخودلها كام

رد: تروسيكل اتقلب على عربيتى
 

معلش يا فندم .. قدر الله وما شاء فعل والحمد لله انها جت على قد كده ..

يا ريت بس حضرتك تصوري لنا الخبطه والفانوس علشان اقدر اقول لحضرتك اذا كانت ممكن تترد ولا تتغير ..

بالنسبه للون حضرتك متقلقيشش .. فعلا الالوان بتتعمل بالكمبيوتر من خلال كود اللون بتاع العربية عادى خالص ..

رد: تروسيكل اتقلب على عربيتى
 

تروسيكل بوحه ؟
اعوذ بالله منهم بيمشوا 40 على الشمال

رد: تروسيكل اتقلب على عربيتى
 

لاننا نعيش فى دولة الفوضى فى المرور و العربجية اللى بقى يسوقو الترسيكلات
سبحان الله الواحد يبقى دافع دمه قلبه فى عربية جديدة و نفسه يستمتع بيه لكن و الف لكن خد عندك شوارع زى الزفت حميار بيسوقو االترسيكلانت و المتوسيكلاات و المنى باص و حتى العيال اللى بتلعب فى الشارع و يتصوا بعض بالطوب ده غير سلولك الناس اللى اصلا كله حقد و كراهيه لملاك العربيات .
اعتقد ان كل العربيات الجديدة مصنعة انها تمشى فى اوروبا - الصين - امريكا او حتى فى الخليخ لان الناس اصلا محترمة و عندها سلوك و عموما ربنا يعوض عليك

رد: تروسيكل اتقلب على عربيتى