الحلم يكاد يكون حقيقة..بمساعدتكم
السلام عليكم..انا الحقيقة محتاجة مساعدة في اتخاذ قرار ممكن يحقق حلم كان نفسي فيه..انا عايزة اركب ريس و للأسف معرفش أسوق و لا أعرف حاجة عنه..يا ريت لو حد يفيدني و يقولي اتعلم فين و بكام و الرخصة تطلع ازاي و كدة يعني..عايزة حد يشجعني على الخطوة دي عشان الكل بيقلقني. و شكرا
|
رد: الحلم يكاد يكون حقيقة..بمساعدتكم
والله هى خطوة جريئة منك إنك تركبى رايس ، وأكيد الأعضاء ها يفيدوكى بكل ما تتسائلين عنه ، ربنا يستر طريقك |
رد: الحلم يكاد يكون حقيقة..بمساعدتكم
معلش سؤال قد يبدو عبيط لكن ذو صلة ؟؟ بتعرفى تسوقى عجل ؟
لو الاجابة لا شيلى الموضوع من دماغك خالص Sent from my GT-P7500 using Tapatalk 2 |
رد: الحلم يكاد يكون حقيقة..بمساعدتكم
ريس موتسيكلات تقصدي .!!؟؟.
خطوه جريئه و ركوبه ممتع جدااااااااااااااا ... لازم الاول تتعلمي زي ما قال البشمهندس وائل , تركبي عجل عشان بس التوازن , و لو تمام يبقي ده 80 % من ركوب الريس . و تتعلمي الاول علي مكن صيني صغير و عزم علي قده لحد ما ايدك تبقي حساسه علي بكره البنزين لان لفه البكره في الريس مع الاولاني وحشه ( جامد في الطلعه ) ,,, لو واحد مش متمكن و عارف قدرات المحرك و عدد احصنته فهيقع غالبا و المكنه هتبهدل لان البودي كله فيبر . |
رد: الحلم يكاد يكون حقيقة..بمساعدتكم
اهم حاجه فعلا انك تكونى بتعرفى تسوقى عجل لو محتاجه ريس عشان مثلا تنقلاتك وتروح بيه الشغل وتقضى بيه مشويرك ممكن تجيبى اسكوتر زى ده والصينى والهندى منه مش غالى حوالى 5-6 الف جنيه وهيدرومتك يعنى بنزين وفرامل بس ولا غيرات ولا حاجه http://q8gears.com/wp-content/upload...r-medium_1.jpg واهو تتعلمى عليه الاول بدل متجيبى ريس بالشى الفلانى ويقع منك او يتخبط يبوظ وبالنسبه للرخصه سهل جدا وبتطلع فى يومها او بالكتير بتخلصيها فى يوم وتستلميها تانى يوم |
الساعة الآن 02:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017