تقرير عن بروتون اكسورا من اول مالك ليها في مصر
 

السلام عليكم ورحمة الله
ولله الحمد بعد 6 سنين مع الساجا الاصيلة استملت اليوم برتون اكسورا هاي لاين كأول مالك لها في مصر ,
اولا كما ذكرت انا نازل من بروتون ساجا اتوماتيك وكنت من اوائل ملاكها تحديدا من فبراير 2010 لذلك مقارنة الاداء والكماليات هتكون بالساجا والعربيات في فئتها ,

بروتون أكسورا :
الاكسورا تم اطلاقها لاول مرة سنة 2009 كأول سيارة ماليزية من فئة ال MPV سبعة راكب وحققت نجاحات كبيرة حتى تم اطلاق الشكل الجديد من ذلك الجيل - facelifted - سنة 2013 بمحرك بروتون الجديد
CFE 1600 CC Turbo وجيربوكس CVT .
السيارة الموجودة لدى التوكيل :
لدى التوكيل حاليا سيارات اكسورا بفئتين هاي لاين و فئة ادنى موديل 2015 دخلت مصر في مارس 2016 .. بالكماليات والمواصفات التالية :
1 - اضواء ليد نهارية - هاي لاين - .
2 - سبويلر - هاي لاين - .
3 - فرش جلد - هاي لاين - .
4 - اشارات في المريات .
5 - مريات ضم .
6 - موتور 1600 CFE Turbo بخرج 138 حصان بمعدل انضغاط 8.9 يعني بيقبل بنزين بحد ادنى 88 اوكتان .
7 - جيربوكس CVT اتوماتيك .
8 - حساسات ركن خلفية .
9 - كاميرا خلفية - هاي لاين - .
10 - شاشة دي في دي معلقة للمقاعد الخلفية - هاي لاين - .
11 - طارة مالتي فانكشن .
12 - جنوط 16 سبور .
13 - خاصية ESC للمحافظة على الاتزان تلقائيا .
14 - 4 اير باج .
15 - بلوتوث - هاي لاين - .
16 - 4 زحاح كهربي .
17 - اغلاق السنتر تقائيا عند التسارع وفتحه تلقائيا عند ازالة المفتاح من الكونتاكت .
18 - مثبت سرعة .

اداء السيارة :
السيارة ما شاء الله انطباعي الاول عنها ممتاز .. اداء رائع من محرك قوي ... ثبات وارتفاع عن الارض و الكرسي مرتفع فتحس انك اعلى من كل العربيات السيدان حولك كأنها SUV ... الشئ الوحيد الي لاحظته مقارنة بالفتيس الاتوماتيك العادي بتاع الساجا ال CVT بطئ شوية في الطلعة والي تبين لي انه الطبيعي في هذا النوع من الجيربوكس ...
الفرامل وباور الدريكسيون افضل بكتير من الساجا ... الكابينة معزولة بشكل جيد ولا تكاد تسمع المحرك ... التكييف قوي جدا وسريع حتى مع حجم السيارة الكبير ...
طبعا المساحة الداخليه كبيرة جدا ومريحة لصفوص المقاعد الاولى والثانية ومقبولة في الصف الثالث وبالطبع لا تقارن بالسيارات ال MPV الشائعة في السوق المصري كالسوزكي ارتيجا او تويتا افينزا او لوجان MPV او حتى كارينز 7 راكب لان الاكسورا اطول واعرض و اعلى من هؤلاء جميعا
هذا انطباعي الاول عنها وانتظروني بعد ال 10 الاف كيلو ان شاء الله والي عنده سؤال عنها يتفضل يسئل كما يشاء
وفي النهاية اوجه شكري للاستاذ المحترم محسن صالح مدير مبيعات بروتون الصحراوي على تعبه معايا حتى تيسر شرائها بعد اعادة فتح باب البيع
والله نسئله خيرها وخير ما صنعت له ونعوذ به من شرها وشر ما صنعت له .

واسيبكم مع الصور :

http://kafserver.com/exora/1.jpg

http://kafserver.com/exora/2.jpghttp://kafserver.com/exora/3.jpghttp://kafserver.com/exora/4.jpghttp://kafserver.com/exora/5.jpghttp://kafserver.com/exora/6.jpghttp://kafserver.com/exora/7.jpghttp://kafserver.com/exora/8.jpghttp://kafserver.com/exora/9.jpghttp://kafserver.com/exora/10.jpghttp://kafserver.com/exora/11.jpghttp://kafserver.com/exora/12.jpghttp://kafserver.com/exora/13.jpghttp://kafserver.com/exora/14.jpghttp://kafserver.com/exora/15.jpg

رد: تقرير عن بروتون اكسورا من اول مالك ليها في مصر
 

الف مليون مبروك ربنا يهبك خيرها يارب ويكفيك شرها والتقرير وصور رائعة تسلم ايدك يا باشمهندس احمد وفى رائى هيبقى لها انتشار فى فئه بقت مهمة جدا بس الاسعار ايه بتاعتها دلوقتى ؟؟

رد: تقرير عن بروتون اكسورا من اول مالك ليها في مصر
 

الله يبارك فيك ,

السعر حاليا للاكسورا الهاي لاين 260 الف ودا لانها 2015 ... 2017 هتنزل في مارس القادم باسعار مختلفة .

رد: تقرير عن بروتون اكسورا من اول مالك ليها في مصر
 

رد: تقرير عن بروتون اكسورا من اول مالك ليها في مصر
 

ياريت تنزل بس باسعار منافسه ومتتظلمش زى باقى موديلات بروتون كالعادة
بس ازاى وفين لقيت موديل سنتين فاتو كدة :thinkW19: