مشكلة عفشة غريبة جدا , برجاء المساعدة و النصيحة من اصحاب الخبرة
 

السلام عليكم ....
انا معايا سيارة واجا 2006 ، من كام يوم وانا بسمع صوت تكتة او تزيق شبيه لصوت حاجة بتتمزع من بعضها (ممكن يكون قريب من الطقطقة ) بيخرج من الكاوتشين الخلفين , المهم روحت لبتاع العفشة والمفروض انه صنايعى مشهور سمعته كويسة وبالاخص فى البروتون ( ناس كتير معاها واجا وبيشكروا فيه ) المهم الراجل طلب فى الاول انى ارفع العربية واغسلها فالبنزين بالجاز غسلة محترمة عشان ممكن تكون حاجة قافشة بس من الطين والمطرة وكده ... وبالفعل تم الغسيل والصوت برده موجود ، المهن الراجل اشتغل فالعربية 5 ساعات نزل فيها العفشة الخلفية كلها ( مساعديين و سوست و مقصات وجلب وشدادات ) يمين وشمال وكشف عليهم حته حته وجربنا اكتر من اربع مرات والصوت برده موجود .....
المهم ... الراجل قالى ملخص كلامه ان العفشة عندك مشاء الله بحالتها زى الفل وكل حاجة مظبوطة (السيارة ماشية 70000) ، وقال انه شاكك ان الصوت خارج من الصاج صوت الطقطقة الشبيه بالتمزيق ، الصوت بالمناسبة بيظهر فقط لما اطلع مطب صناعى وانا مايل او يعنى باخد المطب بالعرض جامد يعنى اطلع وانزل فرده فرده غير كده مش بيظهر ( يعنى لو حملت على فردة خلفية لوحدها ) ، ده ملخص كلام الراجل بتاع العفشة
ارجوووو المساعدة و النصيحة ، ممكن فعلا الصاج يعمل كده ولا اكبر دماغى مدام العفشة مافيهاش مشاكل ، ولا اعمل ايه ؟؟؟؟؟؟؟
برجاء النصيحة و المساعده بالله عليكم.....

رد: مشكلة عفشة غريبة جدا , برجاء المساعدة و النصيحة من اصحاب الخبرة
 

السلام عليكم
لومتاكد من ان الصوت خلفى شوف الدرام بتاع الفرامل وحاله التيل الخلفى
لو مش ماكد شوف قواعد الموتور